2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
16 нафар хотин-қиз уй-жойли бўлди

Сирдарё вилояти Ховос туманида 13 та 2 қаватли ва 3 та 1 қаватдан иборат 2 сотихли уй-жойлар ногиронлиги бор, кам таъминланган хотин-қизларга топширилди.

Шу муносабат билан ташкил этилган тантанали тадбирда вилоят ҳокими Ғ.Мирзаев, Бош вазир ўринбосари, Хотин-қизлар қўмитаси раиси Т.Норбоева ва бошқалар Давлатимиз раҳбарининг жорий йил 19 февраль куни вилоятга ташрифи чоғида хотин-қизларини уй-жой ва иш билан таъминлаш бўйича берган топшириғи ижроси юзасидан вилоятда тизимли ишлар амалга оширилаётгани таъкидланди.

 

Уй-1.jpg

 

– Банкдан 15 йилга имтиёзли кредит олиб, уй-жойли бўлдик, – дейди 1-гуруҳ ногирони Наргиза Содиқова. – Уйнинг бошланғич бадали давлатимиз томонидан тўлаб берилди. Янги лойиҳалар асосида қурилган 3 хонадан иборат 2 сотихли уйда ўғлимга келин тушириб, ҳовли тўйи билан қўшалоқ қилиб нишонладик.

 

13 та 2 қаватли уйнинг 6 таси уч хонали, 7 таси икки хонали. 3 та 2 сотихли уй-жой эса 3 хонали бўлиб, мазкур уй эгаларининг 10 нафарига республика хотин-қизлар жамоат фонди маблағи ҳисобидан ҳамда 6 нафар касаначилик асосида фаолият юритаётган хотин-қизларга республика “Маҳалла” хайрия жамоат фонди маблағи ҳисобидан уй-жойнинг бошланғич бадаллари тўлаб берилди.

 

уй-2.jpg

 

Шунингдек, янги уй соҳибаларига ҳомий ташкилотлар томонидан турли уй-рўзғор буюмлари, мебель ва жиҳозлар совға қилинди.

 

А.ҚАЮМОВ, Ф.ТОШМАТОВ (сурат), ЎзА

Фойдали ресурслар