Қорақалпоғистон Республикаси Мўйноқ туманида кўп қаватли уйлар ва ижтимоий объектлар қуриш жадал давом эттирилмоқда. Марказий кўча ва хиёбонлар ободонлаштирилмоқда.

Хусусан, маданият саройи, амфитеатр ва футбол стадиони қисқа фурсатда қуриб битказилди. Ушбу объектлар фойдаланишга топширилиши муносабати билан Қорақалпоғистон Республикаси Маданият вазирлиги ва Футбол федерацияси ҳамкорлигида“Энди маданият Мўйноқдан бошланади!” шиори остида байрам тадбири ўтказилди.

Тадбир доирасида Бердақ номидаги Қорақалпоқ давлат академик мусиқали театри жамоаси томонидан саҳна кўринишлари, концерт дастури намойиш этилди. “Орол” стадионида шаҳар ва туманлардан ташриф буюрган жамоалар ўртасида футбол мусобақаси бўлиб ўтди.

Мақсад Ҳабибуллаев (сурат), ЎзА