Бухоро вилояти Қоровулбозор тумани “Бўзачи” маҳалла фуқаролар йиғинида 790 та хонадонда 3282 нафар аҳоли истиқомат қилади.

Ҳудуддаги ижтимоий объектлар, хусусан оилавий шифокорлик пункти, мактаб ва боғча аҳолига ўз вақтида ва сифатли хизмат кўрсатиб келмоқда. Бўзачи Оилавий шифокорлик пункти 3309 нафар аҳолига бирламчи тиббий хизмат кўрсатади ва бу ерда 14 нафар малака оширган тиббиёт ходимлари фаолият юритмоқда.

Таълим соҳаси бўйича 1990 йилда қурилиб фойдаланишга топширилган 4-сон умумий ўрта таълим мактаби 624 ўринга мўлжалланган бўлиб, ҳозирги кунда 284 нафар ўқувчи таълим-тарбия олмоқда. Мактаб куз-қиш мавсумига тўлиқ тайёр ҳолга келтирилган. Шунингдек, 7-сон давлат мактабгача таълим ташкилоти 140 ўринга мўлжалланган бўлса-да, амалда 172 нафар болани қамраб олган. Коммунал хизматларда узилишлар кузатилмаган ва болалар учун барча зарур шарт-шароитлар яратилган.

Маҳалланинг ичимлик суви тизими ҳам бутунлай янгиланди. Бўзачи, Навбаҳор ва Жарқоқ маҳаллаларида ичимлик суви таъминотини яхшилаш мақсадида “Бухоро сув таъминоти” АЖ буюртмаси асосида “Қоровулбозор туманида сув таъминоти тизимларини қуриш ва реконструкция қилиш” лойиҳаси амалга оширилди. Лойиҳанинг умумий қиймати 1,610 миллион АҚШ долларини ташкил этди. Қурилиш-монтаж ишлари “Зиё Ибодшер” ва “Ғиждувон Зарангари Қурилиш” ташкилотлари томонидан амалга оширилди. Лойиҳа доирасида учта сув тарқатиш иншооти реконструкция қилинди, ҳудуддаги 9 км ичимлик суви тармоқлари қурилди ва тикланди. 

Хулоса қилиб айтганда, Бўзачи маҳалласида амалга оширилган ишлар аҳоли фаровонлигини ошириш, инфратузилмани мустаҳкамлаш ва ижтимоий хизматлар сифатини янги босқичга олиб чиқишга қаратилган кенг кўламли ислоҳотларнинг амалий ифодасидир. Тиббий хизмат, таълим муассасалари, мактабгача таълим, коммунал таъминот ва ичимлик суви тармоқларида эришилган натижалар маҳалланинг барқарор ва ривожланиш имкониятларига бой ҳудуд сифатида шаклланишида муҳим аҳамият касб этмоқда.

Ушбу ташаббусларни амалга оширишда халқ депутатлари Бухоро вилояти Кенгаши депутати Дилбар Аҳмедованинг фаол иштироки алоҳида эътирофга лойиқ.