2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Аҳоли мурожаатлари бўйича муаммолар ўрганилмоқда

Андижон вилоятида аҳоли мурожаатларини ўрганиш, “Камбағалликдан фаровонлик сари” дастури ижроси доирасида республика Ишчи гуруҳи томонидан ҳудудларда ўрганишлар давом этмоқда.

Ишчи гуруҳ Асака туманидаги “Беруний” маҳалла фуқаролар йиғинининг “маҳалла еттилиги” фаолияти билан танишди. Маҳаллада жиноятчиликнинг олдини олиш, ишсизликни камайтириш бўйича қилинаётган ишлар, шунингдек, меҳнат мигрантларининг келиш-кетиши мониторинги юритилишини ўрганиб, маҳалла, мутасадди ташкилотлар вакилларига мазкур йўналишдаги ишлар самарадорлигини ошириш юзасидан топшириқ ва таклифлар берилди. 

“Қизил тоифа”га киритилган тумандаги Амир Темур маҳалласида эса жиноятчилик ва ҳуқуқбузарликнинг олдини олиш, ҳудудда криминоген вазиятни барқарорлаштириш, бу борада мутасадди, масъул ташкилотлар ҳамда кенг жамоатчилик ҳамкорлигини мустаҳкамлаш бўйича муҳим вазифалар белгиланди. 

Шунингдек, Ишчи гуруҳ Асака тумани “Баркамол авлод” мактаби фаолияти, мактабда яратилган шарт-шароитлар билан ҳам яқиндан танишди. Айни кунда мазкур мактабда ўқувчи ёшларни бўш вақтларини мазмунли ўтказиш, уларнинг билим ва салоҳиятларини юксалтириш мақсадида 22 номдаги 39 та тўгарак фаолият юритмоқда. Тўгаракларга 1 минг 756 нафар ўқувчи жалб этилган. Мактабнинг кўплаб ўқувчилари вилоят, республика ва халқаро танлов, фестивалларда муваффақиятли иштирок этиб келмоқда. 

Ишчи гуруҳ аъзолари мутасаддиларга “Баркамол авлод” мактаби фаолияти самарадорлигини янада ошириш юзасидан таклиф ва тавсиялар берди. Тадбир доирасида фуқароларнинг ҳудудлардаги бир қанча мурожаатлари ўрганилмоқда. 

Ишчи гуруҳлар томонидан аҳоли мурожаатлари бўйича муаммоларини ўрганиш вилоятнинг барча туман ва шаҳарларида давом этмоқда. 

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Таълим кредитиИшонч телефони8 Май 202423 Май 2024Хоразм вилояти
Бузилган уй-жой, олиб қўйилган ер майдони ўрнига ер майдони, уй-жой ва компенсация ажратишПрезидент почтаси6 Май 202418 Сентябрь 2024Навоий вилояти
Тадбиркорлик фаолияти учун дастурлар асосида имтиёзли кредитлар (иссиқхона, чорва, парранда, балиқ, қуён, асалари, тикувчилик, боғдорчилик, ҳунармандчилик ва бошқалар)Ишонч телефони9 Апрель 202419 Апрель 2024Андижон вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти

Фойдали ресурслар