Ўзбекистон Республикаси Президентининг Наманган вилояти шаҳар ва туманларидаги Халқ қабулхоналарига 12 та “Cobalt” русумли хизмат автомашиналари топширилди.
Шу муносабат билан ташкил этилган тадбирда Халқ қабулхоналари давлат ҳокимияти ва бошқаруви идораларини халққа яқинлаштириш, аҳоли мурожаатлари билан ишлаш, жамият тараққиётига тўсиқ бўлаётган муаммоларни бартараф этишда муҳим ўрин тутаётгани таъкидланди.
– Президентимизнинг жорий йил 17 январдаги “Аҳоли муаммолари билан ишлаш тизимини янада такомиллаштириш чора-тадбирлари тўғрисида”ги фармонига мувофиқ, мазкур тизимни одамларга янада яқинлаштириш тартиби жорий этилди, – дейди Ўзбекистон Республикаси Президентининг Наманган вилоятидаги Халқ қабулхонаси мудири Н.Абдуллаев. – Яъни, энди Халқ қабулхоналари муаммоларни уйма-уй юриб ўрганади ва бартараф этади. Замонавий автомобиллар бу ишнинг янада самарали бўлишига хизмат қилади.
Вилоят шаҳар ва туманларидаги Халқ қабулхоналарига 2018 йилда жисмоний ва юридик шахслардан 13 минг 295 та мурожаат келиб тушган, уларнинг 8 минг 110 тасига ижобий ечим топилган.
Халқ қабулхоналарининг хизмат автомобиллари билан таъминланиши, улар фаолияти самарадорлигини янада оширишга, айниқса, чекка қишлоқларга бориш ва у ерда истиқомат қилаётган юртдошларимиз муаммоларини ҳал қилиш имкониятини кенгайтиришда катта аҳамият касб этади.
Акромжон Сатторов, ЎзА
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |