Янгиобод туманида Президент Шавкат Мирзиёев раислигида камбағалликни қисқартириш ишларини кейинги сифат босқичига олиб чиқиш масалалари муҳокамаси бўйича ўтказилган видеоселектор йиғилишида белгилаб берилган вазифалар асосида даромади паст оилаларни камбағалликдан чиқариш чоралари кўрилмоқда.

Бу галги ўрганишлар давомида туман ҳокими Иброҳим Қаршибоев “Баландчақир” МФЙда даромади паст оилаларнинг турмуш шароитлари билан танишиб, улар билан оилавий даромади, муаммо ва эҳтиёжлари юзасидан суҳбатлашди.

Ўрганиш жараёнида камбағаллик даражасига тушиб қолган фуқаролар дуч келган муаммоларни бартараф этиш, уларнинг бандлигини таъминлаш, даромад манбаларини яратиб, оила бюджетини ошириш, моддий ва бошқа турдаги ёрдамлар кўрсатиш орқали камбағалликдан чиқариш бўйича масъулларга аниқ кўрсатма ва топшириқлар берилди.