Самарқанд вилояти ҳокими Эркинжон Турдимов Пастдарғом туманида ёшлар билан учрашди.
Гўзалкент маҳалласида ўтказилган учрашувда 30 нафарга яқин ёшлар ҳокимга асосан, ишсизлик, деҳқончилик учун ер ажратиш, саломатликни тиклаш, субсидия ва кредит масалалари бўйича мурожаат қилди.
Хусусан, Қаршиобод маҳалласида яшовчи Ҳамро Холиқулов ўқув маркази очиш ниятида эканлиги, марказни жиҳозлаш учун 50 миллион сўм субсидия ажратишда ёрдам сўради. Янгиравот маҳалласидан келган Бунёд Омонов эса чорвачилик билан шуғулланиш учун зотдор қорамол харид қилишда 100 миллион cўм имтиёзли кредит олиш учун ҳокимдан кўмак сўради. Вилоят ҳокими туман раҳбарлари, ҳоким ёрдамчилари ва банклар масъулларига ёшларнинг масалаларини белгиланган тартибда ўрганиб, ҳал қилишни топширди.
– Ўтган йили ер ажратиш бўйича аукционда қатнашиб ғолиб бўлган эдим, – дейди Илм маҳалласида яшовчи Маъруф Ҳасанов. – Аммо шу вақтга қадар фермер ажратилган ерни менга топширмасдан келяпти. Ҳокимга шу масалада мурожаат қилдим ва ушбу муаммо ҳал этиш учун туманимиз раҳбарларига йўналтирилди.
Учрашув давомида айни пайтда хорижда бўлган пастдарғомлик ёшлар ҳам ҳоким билан онлайн мулоқот қилиш имконига эга бўлди.
– Ҳозирда Қозоғистон Республикаси Остона шаҳрида ишлаб турибман, – дея ҳокимга мурожаат қилди гўзалкентлик Жаҳонгир Жаниев. – Агар ёрдам берилса, уйимга қайтиб, автомобилларга техник хизмат кўрсатиш шохобчаси ташкил қилмоқчиман. Бунинг учун маблағ керак. Имкони бўлса, имтиёзли кредит ажратилишида ёрдам берсангиз.
Вилоят ҳокими Жаҳонгирга 60 миллион сўм имтиёзли кредит ажратиш бўйича масъулларга топшириқ берди.
Э.Турдимов Пастдарғом тумани маҳаллаларидаги ёшлар етакчилари билан учрашиб, ёшлар билан ишлаш борасидаги фаолиятни кучайтириш масалаларини муҳокама қилди. Етакчиларнинг таклиф ва ташаббуслари эшитилди. Истиқболли таклифлар қўллаб-қувватланди.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |