Бухоро вилояти ҳокими Ботир Зарипов Бухоро муҳандислик-технология институтида бўлиб, ўқув илмий лабораториялари фаолияти, у ерда яратилган шарт-шароитлар билан танишди.
Ҳоким олийгоҳдаги илмий салоҳиятни ривожлантириш, таълим тизимини тубдан ислоҳ қилиш, халқаро тажриба, халқаро стандартларни жорий этиш, юқори малакали кадрлар тайёрлаш жараёнини сифат жиҳатидан янги босқичга кўтариш, модернизация қилиш, илғор таълим технологияларини жорий этишга доир амалга оширилаётган ишлар билан қизиқди.
Дастлаб вилоят раҳбари жорий йилда Ислом тараққиёт банкининг 171 минг АҚШ долларилик маблағлари ҳисобидан замонавий ўқув- лаборатория жиҳозлари билан таъминланган “Иссиқлик техникаси. Термодинамика” ўқув ва илмий лабораториясини кўздан кечирди. Шу ерда вилоят ҳокимига институт илмий ходимларининг тижоратлаштириш бўйича лойиҳалари ҳақида батафсил ахборот берилди.
Илм-фан, техника тараққий этган ҳозирги даврда аниқ ўлчашларсиз сифатли ва хавфсиз маҳсулот ишлаб чиқариш мушкул масала. Шуни инобатга олиб, институтнинг тадқиқотчи олимлари томонидан бир қатор ишлар бажарилмоқда. Бунда “Метрология” илмий-инновацион лабораторияси қўл келмоқда. Ботир Зарипов мазкур лабораторияда ҳам бўлди. Тадқиқотчи олимлар билан мулоқот қилиб, уларнинг илмий инновацион ишланмалари билан танишди.
Шунингдек, ҳоким олийгоҳдаги регистратор офисини ҳам бориб кўрди.
Институтда 2022-2023 ўқув йилидан бошлаб талабаларга хизмат кўрсатиш тизимини самарали йўлга қўйиш мақсадида регистратор офиси фаолияти йўлга қўйилган. Натижада ўқув жараёнини самарали бошқариш, маълумотлар аниқлиги ва ўз вақтида талабалар ҳақидаги керакли маълумотларни олиш имконияти вужудга келди. Офис-регистраторда барча соҳадаги мурожаатлар марказлашган ҳолда ўрганилиб, ҳал этилади. Шунингдек, талабалар, абитуриентлар ва уларнинг яқинларига олий таълим тизимидаги дастурлар ҳақида маълумот берилади. Ушбу марказ тўлиқ рақамлаштирилган, мурожаатчиларга қулай бўлиши учун навбатга олиш ускунаси орқали электрон навбат олиш имконияти мавжуд.
“Машинасоз” технопарки Ислом тараққиёт банкининг 445 минг АҚШ доллари маблағи ҳисобига 12 та замонавий ўқув лаборатория жиҳозлари билан таъминланган. Бу ерда 88 турдаги лаборатория ишлари бажарилади. Вилоят раҳбари мазкур технопарк фаолияти билан ҳам яқиндан танишди.
Институт профессор-ўқитувчилари, ёш тадқиқотчи олимлар билан ташкил этилган учрашувда вилоят ҳокими илм-фан соҳасидаги мавжуд муаммолар ва таклифларни ўрганди.
Вилоят ҳокими илмий салоҳият ва маблағларни иқтисодиёт тармоқларининг буюртмалари ва муайян муаммоларни ечишга қаратилган энг муҳим устувор тадқиқотларга йўналтириш, импорт ўрнини босадиган ва ишлаб чиқаришни маҳаллийлаштиришга қаратилган илмий ишланмаларни кўпайтириш, соҳадаги ҳар бир ташкилот тизимида илмий маҳсулотни бозорбоп қиладиган маркетинг тизимини ташкил қилиш зарурлигига эътибор қаратди.
Илмий лойиҳаларни тижоратлаштириш, қишлоқ хўжалиги ва саноат корхоналарига жорий этиш долзарблиги таъкидланди.
Эркин мулоқот тарзида ўтган учрашувда олимлар фан ва ишлаб чиқаришни интеграциялаш ҳамда бошқа йўналишдаги муаммолар ҳақида тўхталди.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |