Қорақалпоғистон Республикаси Тўрткўл тумани 2-сектор ҳудудидаги “Яхтилик” маҳалла фуқаролар йиғинида туман прокурори, ички ишлар бўлими бошлиғи, Ёшлар ишлари агентлиги туман бўлими, фермер, деҳқон хўжаликлари ва томорқа ер эгалари кенгаши раҳбарлари иштирокида семинар бўлиб ўтди.

Семинарда Президентимизнинг жорий йил 5 апрелдаги “Ёшларга ер ажратиш орқали уларнинг даромадларини ошириш ва бандлигини таъминлаш, шунингдек, янги ер майдонларини ўзлаштириш чора-тадбирлари тўғрисида”ги қарори ижроси юзасидан қишлоқ хўжалигидаги ер ва сув ресурсларидан самарали фойдаланиш орқали озиқ-овқат экинларини етиштириш, аҳоли, айниқса, ёшлар бандлигини таъминлаш ва даромадларини ошириш мақсадида амалга оширилиши режалаштирилган ишлар хусусида сўз юритилди.  

Тадбирда “Е-аукцион” электрон савдо платформаси орқали туман прокуратураси томонидан оталиққа олинган ҳамда “Маҳалла еттилиги”нинг тавсияси билан шакллантирилган 78 нафар ёшга жами 25 гектар ер майдони топширилди.