“Сайхунобод тажрибаси”оммалашмоқда
Давлатимиз раҳбари жорий йилнинг 14 март куни Сирдарё, 25-26 март кунлари Наманган, 8-9 апрель кунлари Жиззах вилоятларига ташрифи чоғида ҳудудлардаги Сайхунобод, Чуст ва Шароф Рашидов туманларида истиқомат қилувчи фуқароларнинг томорқа хўжаликларида олиб борилаётган ишлар билан яқиндан танишган ва аҳолининг томорқалардан унумли фойдаланишини ривожлантириш борасида мутасаддиларга аниқ вазифаларни белгилаб берган эди.
Дўстлик тумани ҳокими Шавкат Дарвишев бошчилигидаги секторлар раҳбарлари, ҳоким ўринбосарлари, МФЙлар раислари, ҳоким ёрдамчилари, хотин-қизлар фаоллари, тижорат банклари ходимларидан иборат бир гуруҳ делегация аъзолари Сирдарё вилоятининг Сайхунобод тумани “Иттифоқ” маҳалла фуқаролари йиғинидаги аҳолининг томорқа ва уй хўжаликлари тажрибасини ўрганиш мақсадида ушбу ҳудудда бўлди.
Дўстлик тумани делегациясининг ушбу сафардан кўзланган мақсади ҳам қўшни вилоят хонадонларида томорқачилик борасида олиб борилаётган ишлар билан яқиндан танишиш ва бу илғор тажрибани ўзларида кенг қўллашдир.
– Давлатимиз раҳбари Сирдарё вилоятига ташрифи чоғида Сайхунобод тумани Иттифоқ маҳалласи хонадонларининг томорқачилик тажрибасини оммалаштириш, улардан ўрганиш ҳақида алоҳида тўхталиб ўтган эди. Биз ушбу ҳудудга хизмат сафаримиз чоғида “Иттифоқ” МФЙ фуқароларининг томорқаларида сабзи, саримсоқ пиёз, картошка, карам, қулупнай ва шу каби кундалик эҳтиёж учун зарур экинлар, турли гуллар экилганлигига ва улар баравж ўсаётганига гувоҳ бўлдик, – дейди Дўстлик тумани ҳокимининг қишлоқ ва сув хўжалиги масалалари бўйича ўринбосари Мурод Аллашев. – Бундан ташқари, хонадонларда томорқага олма ва ток кўчатлари, уларнинг орасига эса турли кўкатлар экилган. Бунга қўшимча товуқ, қуён, асалари ва соғин сигир боқилмоқда. Бу омилкорликнинг барчаси оила бюджетини тўлдириб, аҳолининг ўзини- ўзи банд қилишини таъминлайди ва, энг асосийси, оилага катта даромад келтиради. Биз ҳам туманимизда сайхунободликлар тажрибасини кенг оммалаштириб, жорий этишни режалаштирганмиз.
Туман делегацияси “Олғабос” маҳалла фуқаролар йиғинида ҳам бўлиб, аҳоли хонадонларидаги томорқачилик ва уй хўжаликлари ерларида сабзавотчилик, чорвачилик, қуёнчилик, товуқчилик, асаларичилик ва бошқа соҳалардаги тажрибалар билан яқиндан танишиб, ўзаро тажриба алмашди.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |