Жалақудуқ туманининг Қирғизистон Республикаси билан чегара ҳудудида жойлашган Қутлуғ маҳалласидаги 43-умумтаълим мактабининг капитал таъмирланган биноси фойдаланишга топширилди.
Президентимиз ташаббуси билан амалга оширилаётган “Обод хонадон – обод кўча – обод маҳалла” дастури доирасида ўтган йили Қутлуғ маҳалласида кенг кўламли қурилиш, бунёдкорлик ва ободонлаштириш ишлари амалга оширилди.
Маҳалла кўчалари, хонадонлар ободонлаштирилди. Электр энергияси таъминотини яхшилаш мақсадида маҳалла ҳудудидаги ёғоч устунлар темир-бетон устунларга, мавжуд иккита трансформатор юқори кучланишлигига алмаштирилди, янги трансформатор ўрнатилди, ичимлик суви таъминоти яхшиланди, кўчалар таъмирланди, маълум қисмига асфальт ётқизилди. Шунингдек, маҳалла ҳудудидаги ижтимоий соҳа объектларида ҳам қурилиш-таъмирлаш ишлари амалга оширилди.
Жумладан, 1982 йилда қурилган, таъмирталаб ҳолатга келиб қолган маҳалладаги 43- умумтаълим мактаби биноси ҳам капитал таъмирланди.
– Мактабимиз биноси таъмирланиб, бутунлай янгича қиёфага келтирилди, – дейди мактаб директори, Халқ таълими аълочиси Одинахон Бўтаева. – Дарслар тўла қирғиз тилида ўтказиладиган мактабимизда бугунги кунда 200 нафарга яқин ўқувчи таълим-тарбия олмоқда. Давлатимиз, Президентимиз томонидан дарслар қардош халқлар тилида ўтказиладиган мактабларга ҳам алоҳида эътибор қўрсатилаётганлигидан беҳад хурсандмиз.
Муассасада ўқувчиларнинг пухта билим олиши, ўқитувчиларнинг самарали фаолият юритиши учун зарур барча шароит яратилди. Синф хоналари замонавий жиҳозлар, зарур техник воситалар билан таъминланди.
Дарслар қирғиз тилида ўтиладиган мазкур мактабнинг капитал таъмирланиши, юртимизда яшаётган қирғиз миллати вакилларининг ўз она тилида таълим олишлари учун зарур шарт-шароитлар яратиб берилаётганлиги мамлакатимизда олиб борилаётган одилона миллий сиёсатнинг, юртимизда истиқомат қилаётган турли миллат ва элатлар ўртасида ўзаро ҳурмат, дўстлик, ҳамжиҳатликка асосланган муносабатлар шаклланганлигининг ёрқин намунасидир.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |