Сурхондарё вилоятининг Қизириқ туманидаги Боғистон, Шўрчи туманидаги Бахштепа-1, Музработ туманидаги Яккатол, Олтинсой туманидаги Тўхтамиш маҳаллаларида “Обод хонадон —обод кўча —обод маҳалла” мезонлари жорий этилиб, кенг қамровли ободонлаштириш-қурилиш, кўкаламзорлаштириш ишлари амалга оширилмоқда.
Қиёфаси тубдан ўзгариб, аҳолининг муносиб турмуш кечириши учун барча шароит яратилаётган мазкур маҳаллаларда халқ билан очиқ мулоқотлар ташкил этилиб, одамларни қийнаётган муаммолар ҳам ўрганилмоқда.
Президентимизнинг Сурхондарё вилоятидаги Халқ қабулхонаси мудири Абдулҳаким Эшмуратов ва вилоят солиқ бошқармаси бошлиғи Эркин Нарманов Олтинсой туманидаги тоғли Тўхтамиш маҳалласида бўлиб, аҳоли учун сайёр қабул ўтказди.
Тумандаги секторлар раҳбарлари, корхона, ташкилот ва муассасалар бошлиқлари иштирок этган очиқ мулоқотда Тўхтамиш ҳамда Соҳибкор маҳалларида яшайдиган аҳоли деҳқончилик учун оқова сув таъминотини яхшилаш, йўлларни таъмирлаш, уй-жойларининг кадастр ҳужжатларини расмийлаштириш, томорқа ва лалми майдонлардан солиқ ундируви, тиббий хизмат кўрсатиш сифатини ошириш каби масалаларни ўртага ташлади.
—Юзма-юз мулоқот чоғида тушган мурожаатларнинг аксарияти маҳаллани янада обод ва файзли гўшага айлантиришга хизмат қилади, —дейди Президентимизнинг Сурхондарё вилоятидаги Халқ қабулхонаси мудири Абдулҳаким Эшмуратов. —Бунинг учун ўртага ташланган ҳар бир мурожаатни тегишлилиги бўйича мутасаддилар билан атрофлича муҳокама этиб олдик.
Очиқ мулоқотда мурожаатларнинг бир қисми жойида ҳал этилди. Шунингдек, айрим масалаларда ҳуқуқий маслаҳат берилди. Ечими вақт талаб этадиган мурожаатлар бўйича аниқ муддат белгиланиб, ижроси қатьий назоратга олинди.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |