Наманган вилоятида ўзгалар парваришига муҳтож ва ёлғиз яшовчи кексалар ҳамда ногиронлиги бўлган шахслар 3 минг 431 нафарни ташкил этади.

Ушбу фуқароларга ҳар томонлама кўмаклашиш, тиббий хизмат кўрсатиш сифатини ошириш чора-тадбирлари изчил олиб борилаётгани алоҳида эътирофга моликдир. Жумладан, куни кеча Косонсой ва Чуст туманларида ўзгалар парваришига муҳтож ва ёлғиз яшовчи кексалар, ногиронлиги бўлган шахслар чуқурлаштирилган тиббий кўрикдан ўтказилди. Тиббий кўрик якунлари бўйича амбулатор ва стационар даволанишга эҳтиёжи бор инсонларга йўлланмалар берилди. 

Бундан чуқурлаштирилган кўриклар вилоятнинг барча туман-шаҳарларида давом этмоқда.

Маълумот учун. 2023 йил давомида “Нуроний” жамғармаси Наманган вилоят бўлими кўмагида 1 минг 807 нафар ёлғиз кекса ва ногиронлиги бўлган шахс Фарғона вилоятининг Бешариқ туманидаги “Беш чашма” санаторийсида саломатлигини тиклади.