Ижтимоий ҳимоя миллий агентлиги Самарқанд вилояти бошқармасининг Жомбой туман “Инсон” ижтимоий хизматлар маркази фаолият бошлади.
Марказ давлатимиз раҳбарининг 2023 йил 1 июнда қабул қилинган “Ўзбекистон Республикаси Президенти ҳузуридаги Ижтимоий ҳимоя миллий агентлиги фаолиятини ташкил этиш тўғрисида”ги қарори асосида ташкил этилди.
Марказ биносининг очилиш маросимида ижтимоий ҳимоя миллий агентлиги фаолияти, бундан кутилаётган натижа ва самаралар ҳақида сўз юритилди. Маълумотларга кўра, бугунги кунда туманда ижтимоий ҳимоя ягона реестрига киритилган 81 нафар якка-ёлғиз кекса, 4002 нафар ногиронлиги бўлган фуқаро истиқомат қилади. Эндиликда бу шахсларнинг ҳаёти, муммолари билан маҳаллаларга бириктирилган ижтимоий ходимлар шуғулланади. “Инсон” ижтимоий хизматлар маркази орқали давлат томонидан ажратилаётган нафақа ва моддий ёрдамнинг эҳтиёжманд аҳолига етиб бориши таъминланади. Марказда бугунги кунда 21 нафар ходим ишлаяпти. Яқин орада маҳаллаларда ҳам ижтимоий хизматлар йўлга қўйилиб, ижтимоий ходимлар иш бошлайди.
Тадбир иштирокчилари “Инсон” ижтимоий хизматлар маркази биносида ходимлар ва фуқаролар учун яратилган шароит ва имкониятлар билан танишди.
Шу тарзда вилоятдаги “Инсон” ижтимоий хизматлар марказлари сони тўртта бўлди. Бундан аввал, тажриба сифатида Пахтачи тумани ва Каттақўрғон шаҳрида ўтган йил, Пайариқ туманида эса янги йил арафасида марказлар учун бинолар фойдаланишга топширилганди.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |