Наманган вилояти Янги Наманган туманида вилоят ҳокими Шавкат Абдураззоқовнинг аҳоли билан сайёр қабули ўтказилди.

Ҳудудларда ташкил этилаётган сайёр қабуллар аҳолини қийнаб келаётган долзарб масалаларни ўрганиш ва уларни жойида ҳал этишга кенг имконият яратаётгани сир эмас. Қабул жараёнида вилоят раҳбари ҳар бир мутасаддидан аҳоли билан ишлашда жиддий масъулият талаб қилди.

Қабул давомида шаҳар ва туманлардан келган фуқароларнинг моддий ёрдам, саломатликни тиклаш, уй-жой, таълим контракти, кредит ва ер олиш, кадастрга оид масалаларда қилган мурожаатларига ўз ўрнида ечим беришга эътибор қаратилди.

Сайёр қабулда икки юздан ортиқ фуқаро мурожаати тингланиб, муаммоли масалалар бошқармалар, ташкилот ва муассасалар раҳбарлари иштирокида кўриб чиқилди. Мурожаатларнинг аксарияти ўз ўрнида ҳал этилди.