Давлатимиз раҳбари ташаббуси билан чекка ва олис ҳудудларнинг ижтимоий инфратузилмасини яхшилаш ва аҳоли турмуш даражасини кўтаришга қаратилган “Обод кўча”, “Обод маҳалла”, “Обод хонадон” мезонларини жорий қилиш бўйича комплекс чора-тадбирлар амалга оширилмоқда.
Ана шундай манзиллардан бири Хоразм вилоятидир. Дастур бўйича вилоятнинг тўрт ҳудудида - Боғот тумани “Саҳоват” МФЙда, Янгибозор тумани “Катли” МФЙда, Хонқа тумани “Дургадик” МФЙда ҳамда Хива тумани “Истиқлол” МФЙда кенг кўламли бунёдкорлик ишлар олиб борилмоқда.
Аҳолини ўйлантириб келаётган муаммоларга ўз вақтида ва сифатли ечим топиш мақсадида Президент маслаҳатчиси Ғофуржон Мирзаев бошчилигидаги Республика ишчи гуруҳи вакиллари ҳам бевосита жойларга чиққан холда уйма-уй юриб ўрганишлар олиб бормоқда.
Аниқланган камчиликларни бартараф этиш мақсадида қатор ишлар амалга оширилди.
Жумладан, танланган ҳудудлар инфратузилмасини яхшилаш мақсадида янги махалла бинолари, атрофида мини спорт майдончалар, тикувчилик цехлари, банк хизматлари марказлари, сартарошхона ва гўзаллик салонларини қуриш ишлари амалга оширилмоқда. Маҳаллардаги мактаб ва боғчалар жорий ва капитал таъмирланди.
Бундан ташқари 22 километрга яқин ички тупроқ йўллар шағаллаштирилди, 6 километрдан зиёд табиий газ қувурлари капитал таъмирдан чиқарилди, 5 километрга яқин янги сув қувурлари ўтказилди. Электр энергияси таъминотини яхшилаш мақсадида 9 та янги трансформатор ўрнатилди, 12 километр СИП кабеллар тортилди ҳамда 200 дан зиёд янги бетон таянч устунлар ўрнатилди, 300 га яқини жорий таъмирдан ўтказилди.
Ҳудудларни тартибга келтириш мақсадида, 36 км ариқларва зовур тармоқлари тозаланиб, ишчи фаолиятга келтирилди, маҳалла қабристонлари ободонлаштирилди.
Кам таъминланган, ижтимоий ёрдамга мухтож 584 та оилалар хонадонларида капитал ва жорий таъмирлаш ишлари кетмоқда, томорқалари тартибга келтирилмоқда.
Аҳоли соғлиғини муҳофаза қилиш мақсадида 6,3 мингга яқин фуқаро тиббий кўрикдан ўтказилди. Натижада, 84 нафар фуқарога амбулатор шароитда даволанишга ордер ажратилди, 49 нафар фуқарога туман тиббиёт марказига йўлланма берилди, 723 фуқарога эса бепул дори-дармонлар етказилди.
Оилаларни тадбиркорликка жалб қилиш ҳамда бандлигини таъминлаш мақсадида тикувчилик ва хизмат кўрсатиш йўналишида 39 нафар фуқарога 366 млн сўмлик субсидия, 118 нафар фуқарога 2,3 млрд сўмлик имтиёзли кредит маблағлари ажратиб берилди. Шу билан бирга 112 нафар фуқаро касб-ҳунарга ўқишга йўналтирилди ҳамда 73 нафари ҳақ тўланадиган жамоатчилик ишларига жалб қилинди. Ижтимоий оғир ахволдаги 89 та оилага 36,1га ер мадони экин экиш учун тарқатилди.
Бундан ташқари, Республика ишчи гуруҳи вакиллари аҳоли хонадонлари ҳамда ижтимоий соҳа объектларининг қиш мавсумига тайёргарлигини ҳам ўрганди. ФВБ томонидан ёнғин хавфсизлиги талабларига риоя қилиниши ва ис газидан заҳарланиш ҳолатларини олдини олиш бўйича профилактик тадбирлар ўтказилди. Хусусан, мингга яқин хонадон мўрилари тозаланди, ўндан зиёд ижтимоий объектлар ёнғин хавфсизлиги бўйича ўрганиб чиқилиб, кўмир сақлаш омборлари тартибга келтирилди.
Республика ишчи гуруҳи фаолияти давом этмоқда.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |