Сурхондарё вилояти Шеробод туманида Камбағалликни қисқартириш ва бандликка кўмаклашиш бўлими ходимлари томонидан меҳнат ярмаркаси ўтказилди.

Меҳнат ярмаркасида қатнашган 400 га яқин фуқарога тегишли масъуллар  томонидан ишга жойлашиш ҳамда меҳнат қонунчилиги юзасидан маслаҳатлар берилди. Фуқароларнинг 34 нафари давлат ташкилотларига ва 117 нафари тумандаги 12 та тадбиркорлик объектига ишга жойлашган бўлса, 22 нафар фуқаро ҳунар ўрганиш учун Касб-ҳунар марказига ва “Устоз-шогирд” анъанаси бўйича ўқишга йўлланма олди.