2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Президент топшириғи амалда: уй – жойга эҳтиёж қолмайди

Президентимиз ўтган йили Тошкент вилоятининг маркази Нурафшон шаҳрига ташрифи давомида “Менинг биринчи уйим” дастурини амалга ошириш таклифини берган эди. Ўтган вақт давомида бу борада аҳолига қулайлик яратиш борасида тегишли чоралар кўрилди.

Якунда давлатимиз раҳбари раислигида “Янги Ўзбекистон” массивларида уй-жой қурилиши ва 2023 йил учун ипотека дастурини амалга ошириш бўйича устувор вазифалар юзасидан ўтказилган видеоселектор йиғилишида Зангиота туманида “Менинг биринчи уйим” номли янги массив Қурилиш вазирлиги ҳузуридаги дирекцияга топширилди.  

Ушбу массивнинг режасида мактаб, боғча, тиббиёт муассасаси ва аҳоли учун зарур бўлган бошқа масканлар қурилади. Бу тумандан ажратилган жами 36 гектар ер майдонига, 2500 оилага мўлжалланган, қулай ва энергия тежамкор 58 та кўп қаватли уй-жойлар барпо этилиши ҳам белгиланган. Массив фойдаланишга топширилиши натижасида пойтахтга яқин бўлган – Зангиота, Тошкент, Янгийўл тумани ҳамда Янгийўл шаҳрида яшовчи аҳолининг уй-жойга бўлган эҳтиёжи тўла таъминланади.  

Мутахассисларнинг маълумотига кўра, вилоятда жорий йилда жами 137 та 6 минг 98 хонадонли кўп қаватли уй-жойлар қурилиши режалаштирилган. Шунда 84 та 4 минг 88 та хонадонли уйлар “Янги Ўзбекистон” массивларида қурилади. Бугунги кунда Чирчиқ шаҳрида 15 та 948 хонадонли, Олмалиқ шаҳрида 15 та 1 минг 100 хонадонли уйларнинг қурилиш ишлари бошлаб юборилган. Қўшимча иккита янги массивлар эса Нурафшон шаҳри ҳамда Зангиота туманида барпо этилиши белгиланган. Жорий йил 1 июнгача 24 та, 1 октябрга қадар 53 та, 1 ноябрга қадар эса 60 та уй-жойлар тўлиқ фойдаланишга топширилади.  

Таъкидлаш жоиз, ҳозирги пайтда кўп қаватли турар-жой биноларини қуришда сейсмик хавфсизлик масалаларини жойларга чиққан ҳолда, махсус ускуналар ёрдамида лаборатория синовлари ўтказилишига алоҳида эътибор қаратилмоқда. Ўрганиш давомида асосий юк кўтарувчи конструкцияларнинг лойиҳавий мустаҳкамлиги таъминланмаган ҳолатларда қурилиш ишлари тўхтатилиб, демонтаж қилиниши таъминланмоқда.  

Жумладан, ўтган давр мобайнида вилоят ҳудудида қурилаётган кўп қаватли уйларда 554 марта мониторинг ўтказиш ишлари олиб борилди. Натижада лойиҳачи, пудратчиларнинг масъул ходимларига нисбатан 138 та ёзма кўрсатмалар ҳамда 10 та ҳолатда маъмурий чоралар кўрилди.  

2023 йил дастуридаги барча уй-жойларга энергия тежаш мақсадида қуёш панеллари ўрнатилиши белгиланиб, панеллар ва энергия тежамкор ускуналар ўрнатилмаган уй-жойларни фойдаланишга қабул қилмаслик тартиби қўлланилмоқда. Мазкур саъй-ҳаракатлар туфайли уй-жойга эҳтиёжи бор фуқароларга қулайликлар яратилади.  

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти

Фойдали ресурслар