Давлатимиз раҳбари томонидан амалга оширилаётган барча ислоҳотлар замирида халқимизнинг турмуш фаровонлигини яхшилаш, одамларимизнинг бахтли яшашини таъминлашдек эзгу мақсадлар мужассам.

Зеро, халқ билан мулоқот қилиш, уларнинг муаммоларини ўрганиш, ижобий ҳал этиш устувор масала сифатида илгари сурилгани халқимизнинг давлатдан, жамиятдан рози бўлишида муҳим омил бўлмоқда.

Бухоро вилояти Вобкент тумани ҳокимлиги, Бухоро вилоят туризм ва маданий мерос бош бошқармаси ва Халқ қабулхонаси ходимлари иштирокида Вобкент тумани “Вобкент” маҳалла фуқаролар йиғини ҳудудида ўтказилган навбатдаги оммавий сайёр қабул ҳам аҳоли билан тўғридан-тўғри мулоқотни кенгайтириш, мавжуд долзарб муаммоларни аниқлаш, уларни бевосита жойида бартараф этиш юзасидан аниқ ва тезкор чоралар кўриш мақсадига қаратилганлиги билан аҳамиятли бўлди.

–Юзма-юз очиқ мулоқотда 8 та мурожаат келиб тушган бўлса уларнинг 2 таси шу жойнинг ўзида ҳал этилди, –дейди Халқ қабулхонаси мудири Л.Шарипова. – 3 тасига ҳуқуқий, 3 тасига тушунтириш ва ўрганиш учун муддатлар белгиланди. Бирламчи муҳокама этилган сайёр қабулдаги барча мурожаатларни ўз муддатида кўриб чиқиш ва ўрнатилган тартибда ҳал этиш чора-тадбирлари белгиланди.