Давлат хавфсизлик хизмати Самарқанд вилоят бошқармаси бошлиғи А.Ахмедовнинг навбатдаги “Раҳбар ва ёшлар” учрашуви Пахтачи туманида ташкил этилди.
Учрашувда дастлаб давлатимиз раҳбарининг парламент ва мамлакатимиз халқига Мурожаатномасида олти йўналиш бўйича белгилаб берилган вазифалар, ташаббус ва таклифлар, жумладан, ёшлар таълим-тарбияси, уларнинг келажаги билан боғлиқ масалалар мазмун-моҳияти ҳақида сўз юритилди.
Сўнгра ёшларни қийнаб келаётган муаммо ва камчиликлар, уларнинг таклифлари эшитилди.
Худойберди маҳалласида яшовчи Адҳам Шодмонов ўзи ташкил қилган автомобиль таъмирлаш устахонаси фаолиятини кенгайтиришда ёрдам сўради. Бошқарма бошлиғи касб-ҳунарли ёшларнинг жамиятда ўз ўрнини топиши учун ҳаракати давлатимиз томонидан қўллаб-қувватланишини билдирди ва унга замонавий асбоб-ускуналар етказиб бериладиган бўлди.
"Дўнг" маҳалласидан келган Шоҳрух Бобомуродов маҳалладаги стадионнинг ўриндиқлари йўқлигини, спорт мураббийси Маржона Қиличева туман марказида замонавий спорт зали мавжуд эмаслигини билдириб, ушбу масалаларда ёрдам берилишини сўради.
Иккала масала ҳам тегишли вилоят бошқармаси ва туман ҳокимлиги томонидан ўрганилиб, муаммолар ижобий ҳал қилиниши билдирилди.
– Тенгдошларимнинг компьютер ва замонавий ахборот технологияларига қизиқишлари юқори, – дейди "Сардоба" маҳалласида яшовчи Барот Тожиев. – Лекин маҳалламизда бундай имконият йўқ. Агар менга компьютер жамланмалари олишга кўмак берилса, маҳалламиздаги ёшларга киберспорт ва дастурлашни ўргатаман. Ушбу масалада ДХХ вилоят бошқармасига мурожаат қилгандим, ёшлар ишлари агентлиги вилоят бошқармаси томонидан амалий ёрдам кўрсатилиши айтилди. Бу маҳалламиз ёшлари учун яхши янгилик бўлди.
Учрашувда шу каби ўнлаб мурожаатларга шу ернинг ўзида ечим топилди. Маҳаллалардаги ишсиз, ижтимоий кўмакка муҳтож йигит-қизларга даромад топиши учун асбоб-ускуналар берилди.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |