Сирдарё вилояти ҳокими вазифасини бажарувчи Акмалжон Маҳмудалиев Гулистон шаҳрида сайёр қабул ўтказди.

Унда барча шаҳар ва туманлардан келган аҳолининг мурожаатлари, таклиф ва мулоҳазалари тингланди.

Президентнинг вилоятдаги Халқ қабулхонаси, ҳуқуқни муҳофаза қилиш идоралари, судлар, банклар, қишлоқ хўжалиги, қурилиш, транспорт, ижтимоий соҳа, коммунал хизмат кўрсатувчи ташкилотлар мутасаддилари иштирок этган қабулда қарийб етти соат давомида фуқароларнинг ишга жойлашиш, уй-жой, ер ва бўш бино, банк кредити олиш, электр тармоғи тортиш, ичимлик суви, ички йўллар таъмири, даволаниш учун ёрдам, коммунал хизматларга уланиш каби мурожаатлари ўрганилди.

Қўшимча ўрганиш, муддат ва маблағ талаб қиладиган мурожаатлар масъулларга йўналтирилди. Зеро, ҳар бир мурожаат ортида инсон тақдири турибди. Фуқаролар муаммоси ҳал этилиши умиди билан қабулга келган.