2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Эркинжон Турдимов: “Халққа умумий гаплар эмас, амалий ишлар керак”

Халқ депутатлари вилоят Кенгашининг яқинда ўтказилган 62-сессиясида Нарпай тумани сектор раҳбарларининг ҳисоботи депутатларни қониқтирмагач, ушбу масалани маҳаллалар кесимида ўрганиб, туманнинг ўзида муҳокама қилишга қарор қилинган эди.

Айни пайтда Нарпайда Халқ депутатлари туман Кенгашининг сессияси ўтказилмоқда. Вилоят Кенгаши депутатлари иштирокида ўтказилаётган сессияда туман сектор раҳбарларининг ҳудудни ижтимоий-иқтисодий ривожлантириш борасида олиб бораётган фаолияти таҳлил қилинмоқда. 

– Сектор ташкил этишдан мақсад – бошқарувнинг самарали тизимини йўлга қўйиш, – деди Олий Мажлис Сенати аъзоси, вилоят Кенгаши депутати Фармон Тошев.

– Афсуски, ўрганишларимиз давомида бу тизим ҳамма жойда ҳам яхши ишламаётгани маълум бўлди. Одамлар сектор раҳбарларини танимайди. Аксарият ҳолларда аҳолининг мурожаатини кутиб ўтиришибди. Ваҳоланки, сектор раҳбарлари мурожаатга ўрин қолдирмай, ўзлари аҳоли ҳузурига бориши керак.

– Биз секторларда ҳамма ишларимиз жойида деб бироз хотиржам юрган эканмиз, – деди Нарпай тумани ҳокими вазифасини бажарувчи Ш.Раҳмонов. – Вилоят Кенгаши депутатлари келиб ўргангач, камчиликларимизни, нималарга эътибор беришимиз кераклигини англадик. Биз кўпроқ дастурлар билан чекланиб қолган эканмиз, ўзимиз ҳам маҳаллалардаги кўп масалаларни ички имкониятларимиз билан ҳал қилишимиз мумкин экан. 

– Хулоса қиламиз, кўзимиз очилди – булар умумий гап, – деди сессияда иштирок этган Самарқанд вилояти ҳокими Э.Турдимов. – Халққа гап эмас, натижа керак, амалий ишлар керак.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Иш ҳақи ва унга тенглаштирилган тўловларни ундиришИшонч телефони5 Июнь 202117 Июнь 2021Андижон вилояти

Фойдали ресурслар