Фарғона вилоятида ўтказилаётган сайёр қабуллар, бевосита Халқ қабулхоналарига келиб тушган мурожаатлар, уйма-уй юриш жараёнлари, олис ва чекка ҳудудларда ўтказилган ўрганишлар қурилиш, ичимлик сув, электр-энергияси, табиий газ таъминоти, ички йўллар масалаларида ечимини кутаётган муаммолар мавжудлигини кўрсатмоқда.
Марғилон шаҳридаги “Наврўз” маҳалла фуқаролар йиғини йўлдош шаҳарчасидаги бўш турган уйларга аҳоли кўчиб бориши натижасида ичимлик сувга бўлган талаб ошган ва босим пасайган. Йўлдош шаҳарчаси адирликда жойлашгани ҳисобига ичимлик сув тепаликда яшовчи аҳолига етиб бормаган. Улар ичимлик сувни ташиб ичишга мажбур бўлмоқда.
Қува туманидаги “Иттифоқ”, “Дашт” ва “Туркровот” маҳалла фуқаролар йиғини ҳудудида яшовчи аҳоли ичимлик сувини узоқ йиллардан буён 2-3 километр масофадан ташиб ичишлари оқибатида кўплаб мурожаатлар келиб тушмоқда. Бу ерда 4,9 километр ичимлик сув тармоғи тортиш муаммоси мавжуд. Фарғона тумани “Майдон” маҳалла фуқаролар йиғини, Тошлоқ туманидаги Найманбўстон маҳалласидаги ички йўллар абгор ҳолатда. Марғилон шаҳри, Учкўприк, Тошлоқ туманида эса электр энергияси таъминотида жиддий муаммолар мавжуд.
Марғилон шаҳрининг барча ҳудудларида давлат мактабгача таълим муассасаларига жойлаштириш учун навбат кутаётганлар масаласи ҳанузгача долзарблигича қолмоқда. 54 та маҳалланинг 32 тасида давлат мактабгача таълим муассасалари бор, бироқ талабга нисбатан жуда кам. Шаҳарда давлат мактабгача таълим муассасалари сонини кўпайтириш лозим.
Ўзбекистон тумани “Элчи” маҳалла фуқаролар йиғинида 21-сонли мактабнинг филиали мавжуд бўлиб, ҳозирги кунда 1- синфдан 8-синфгача бўлган 300 нафарга яқин ўқувчилар билим олади. Ушбу филиал биноси ҳозирги кунда авария ҳолатида бўлиб, ўқувчиларнинг билим олиши ва ўқитувчиларнинг ишлаши учун етарлича шароит мавжуд эмаслиги аниқланган. Шаҳар ва туманларда шу каби муаммолар аҳолининг эътирозига сабаб бўлмоқда. Инсон қадрини улуғлаш ва фаол маҳалла йилида улар қандай ечим топади. Кузатамиз.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |