Каттақўрғон шаҳар прокурори Ф.Эгамқулов ўз сектори ҳудудидаги Баланд Чордара маҳалласида ҳоким ёрдамчиси ва ёшлар ишлари агентлиги вакили билан бирга уйма-уй юриб, аҳоли муаммоларини ўрганди.

Ўрганиш давомида аксарият мурожаатлар жойида ижобий ҳал этилди, муддат ва маблағ талаб қиладиган масалаларнинг ижроси бўйича чора-тадбирлар белгиланди.

Жумладан, Янгиобод 1-берк кўчасида яшовчи А.Низомовнинг ишсиз эканлиги ва рўзғор тебратишда қийинчиликка дуч келаётгани маълум бўлди. Ахмадга шу ҳудудга яқин жойда, 19-мактабгача таълим муассасасида хўжалик иши бўйича бўш иш ўрни борлиги билдирилди ва у ишга жойлашадиган бўлди.