Инсон манфаатларини ҳимоя қилиш учун халқ билан мулоқот қилиш, уларнинг дарду ташвишлари, орзу-ниятлари, муаммо ва эҳтиёжларини яхши билиш кераклигига алоҳида эътибор берилмоқда.

Раҳбарлар халқ билан мулоқотга киришиб, уларни эшитиши учун жойларда сайёр қабуллар ташкил этилмоқда.

Бу каби мулоқотлар халқимизнинг фаровон, бахтли ҳаёт кечириши учун муносиб шарт-шароит яратишда муҳим аҳамият касб этмоқда.

Шу каби қабулларнинг навбатдагиси Сирдарё вилояти Ховос тумани ҳокими Учқун Камолов ва Янгиер шаҳар ҳокими Элёр Хўжаев ҳамкорлигида ўтказилди. Унда 2 та ҳудуднинг сектор раҳбарлари, барча ташкилот, муассасаларнинг раҳбар ва мутасаддилари иштирок этди. Бунда "Xovos city"да истиқомат қилувчи аҳоли муаммолари ўрганилди.

Аҳоли асосан, иш билан таъминлаш, банк кредитлари, ичимлик суви, чиқиндихоналар ўрнатиш, коммунал хизмат кўрсатиш сифатини ошириш, шартномавий-ҳуқуқий муносабатлар юзасидан мурожаат қилди.

Келиб тушган мурожаатларга тегишлилиги бўйича қонуний йўл йўл-йўриқ кўрсатилиб, ҳуқуқий маслаҳатлар берилди.

Мурожаатларни ҳал этиш бўйича раҳбарларга топшириқ ва кўрсатмалар берилди.