2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Таълим масканлари мавсумга шай

Кузнинг ёмғирли, салқин кунлари бошланди. Олдимизда қиш. Демак, таълим муассасаларини куз-қиш мавсумига тайёрлаш масаласи янада долзарб бўлиб турибди. Бу борада Тошкент шаҳридаги мактабларда вазият қандай?

– Президентнинг 2018 йил 12 июлдаги “Республика иқтисодиёти тармоқлари ва ижтимоий соҳаларини 2018/2019 йиллар куз-қиш даврида барқарор ишлашга комплекс тайёрлашни таъминлаш чора-тадбирлари тўғрисида”ги қарори асосида ишлар давом этмоқда, – дейди Тошкент шаҳар халқ таълими бош бошқармаси бино ва иншоотлардан фойдаланишни мувофиқлаштириш ва мониторинг қилиш бўлими бошлиғи Нуриддин Отамуҳаммедов. – Жумладан, ўтган йилларда йўл қўйилган камчиликлар таҳлили асосида жорий куз-қиш мавсумига тайёргарлик кўриш бўйича комплекс чора-тадбирлар режаси ишлаб чиқилиб, амалга оширилмоқда.

Мутахассиснинг таъкидлашича, жорий йилда пойтахтдаги 6 таълим даргоҳида капитал реконструкция, 8 тасида капитал, 135 умумтаълим муассасасида жорий таъмирлаш ишлари амалга оширилган. Айни вақтда муассасалардаги ички иситиш тизимлари, том ва пол қисмлари, деразалар, кириш йўлаклари таъмирланиб, фойдаланишга топширилган. Таълим даргоҳларида иссиқлик меъёрида бўлишини таъминлаш мақсадида 1 минг 500 метр квадрат синган дераза ойналари алмаштирилган.

Таълим масканларидаги 41 қозон профилактик таъмирдан чиқарилиб, 1 қозон алмаштирилган. 55 минг 455 метр квадрат биноларнинг том қисмларида капитал ва жорий таъмирлаш ишлари якунланган.

Мирзо Улуғбек туманидаги 241-мактабда ҳам янги ўқув мавсумини бехавотир ўтказиш учун барча шарт-шароит яратилди.

– Мактабимиз 44 йилдан буён таъмирланмаган эди, – дейди мактаб директори Зироат Эрматова. – Шу боис томдан сув ўтиб кетар, ўқувчилар таҳсил олишга қийналарди. Жорий йилда таълим муассасамиз капитал реконструкция қилиниб, замонавий мактабга айланди. Қувурлар, деразалар, иситиш тизими ва электр таъминоти тармоқлари тўлиқ таъмирдан чиқарилди. Энди ўқувчиларга бехавотир таълим беришда давом этамиз.

Даврон Суннатов, ЎзА

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти

Фойдали ресурслар