Бухоро вилоятида тиббий ёрдамга муҳтож хотин-қизлар билан ишлаш самарадорлигини ва уларга кўрсатиладиган тиббий хизмат сифатини янада ошириш бўйича “Йўл харита”си ишлаб чиқилган.

– Вилоятда “Аёллар дафтари” нинг 2-босқичида рўйхатга киритилган тиббий ёрдамга муҳтож 6 минг 538 нафар хотин-қизлар тўлиқ тиббий кўрикдан ўтказилган, – дейди вилоят ҳокимининг хотин-қизлар масалалари бўйича маслаҳатчиси, Маҳалла ва оилани қўллаб-қувватлаш бошқармаси бошлиғининг биринчи ўринбосари Феруза Ибрагимова. – Шундан 2 минг 199 нафари дори-дармон билан таъминланган. 175 нафарига тиббиёт масканларда даволаниши учун махсус ордерлар берилган. 2 минг нафардан зиёди амбулатор даволанган. 16 нафарида жарроҳлик амалиёти ўтказилган. Бунинг учун жами 295 миллион 18 минг сўмдан зиёд маблағ ажратилган. 311 нафар хотиқ-қизларга шу каби бошқа турдаги тиббий хизматлар кўрсатилган.

Айни кунда “Аёллар дафтари” нинг 3-босқичи рўйхатидаги оғир ижтимоий аҳволга тушиб қолган хотин-қизларга муносиб тиббий ёрдам кўрсатиш, уларнинг мавжуд муаммоларини ижобий ҳал этиш, эрта туғруқ ва оналик-болаликни ҳимоя қилишга доир масалалар юзасидан кенг кўламли ишлар амалга оширилмоқда.