Жиззах вилоятининг барча шаҳар ва туманларида қишлоқ ва маҳалла фуқаролар йиғинларида тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича “ҳоким ёрдамчиси” лавозимини ташкил этиш ва улар олдида турган вазифаларга бағишланган тадбирлар бўлиб ўтмоқда.

Жумладан, Фориш туманида 25 та маҳалла фуқаролар йиғинига “ҳоким ёрдамчиси” лавозимига тавсия этилган 25 нафар номзодни таништиришга бағишланган тадбир ўтказилди.  

Унда ушбу лавозимга тавсия этилган ҳоким ёрдамчилари олдида турган вазифалар, тумандаги маҳаллаларда аҳолини иш билан таъминлаш, тадбиркорликка йўналтириш, янги лойиҳаларни ҳаётга тадбиқ этиш борасидаги ишлар ҳақида сўз борди. Тушунтириш ва тавсиялар берилди. Барча маҳаллаларда ҳоким ёрдамчиларига меҳнат қилиши учун қулай шарт-шароит ва имкониятлар яратилаётгани.

Йиғилишда “ҳоким ёрдамчиси” лавозимига тавсия этилган номзодлар таништирилди. Мазкур тадбирда муҳокама этилган масалалар юзасидан тегишли чора-тадбирлар белгиланди.

Вилоятнинг бошқа ҳудудларида ҳам бу борадаги ишлар давом этмоқда.