2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Эркинжон Турдимов муаммони айтган маҳалла раисини мукофотлади

Самарқанд вилояти ҳокимлигида фуқароларнинг мурожаатлари ижроси мурожаатчилар ва масъуллар иштирокида муҳокама этилди.

Вилоятнинг турли ҳудудларидан келган ҳар бир мурожаатчининг муаммоси эшитилиб, масалани шу ернинг ўзида ҳал этиш чораси кўрилди.

Самарқанд шаҳар Сартепа масканида яшовчи Н.Раҳимова беш йил олдин янги қурилган кўп қаватли уйлардан биридан хонадон сотиб олгани, аммо ҳалигача лифт ишламаслигини айтиб ёрдам сўради.

Учрашувга таклиф этилган қурилиш ташкилоти масъули бир ҳафта муддатга кўп қаватли уйга янги лифт қўйилиши ва муаммо ҳал этилишини билдирди.

Пастдарғом туманидан Пахтачи туманига келин бўлиб тушган фуқаро турмуш ўртоғи вафот этгач, қайнотасининг хонадонига сиғмаётгани ва уч нафар фарзанди билан ота уйига қайтиб келганини билдириб, вилоят ҳокимининг телеграмига мурожаат қилган. Бу аёлни уй-жой билан таъминлаш масаласида Пахтачи ва Пастдарғом туман масъулларининг фикрлари сўралди ва вилоят ҳокими таклифи билан унга Пастдарғом туман Чарғин қўрғонида қурилаётган кўп қаватли уйдан 2 хонали хонадон ажратиб бериладиган бўлди.

Учрашувда, уй-жой, иш билан таъминлаш, коммунал хизматлардаги камчиликлар билан боғлиқ мурожаатлар кўп бўлди ва уларнинг аксариятига шу ернинг ўзида ечим топилди.

2016 йилда касб-ҳунар коллежини битирган Суҳроб Отақулов ҳалигача иш тополмай юргани билдириб, ушбу масалада ёрдам сўради. Вилоят бандлик бош бошқармаси бошлиғи Сухроб билан суҳбатлашиб, унинг қизиқиши, ишга лаёқатини ўрганди ва шу куннинг ўзида у бошқармага ҳайдовчиликка ишга қабул қилинди.

Самарқанд шаҳридаги Абдулла Авлоний маҳалла фуқаролар йиғини раиси Йўлдош Зиёев маҳалла ҳудудидаги кўп қаватли уйларни сув билан таъминлашда муаммолар юза келаётганини билдириб, ушбу масалада вилоят ҳокимидан ёрдам сўради.

– Сув таъминотига масъуллар бир ҳафта муддатда масалани ижобий ҳал этиб, ахборот киритади, – деди Э.Турдимов. – Аҳоли муаммоларини кўтариб чиққани, фидойилиги учун маҳалла раисига 3 миллион сўм бир марталик пул мукофоти берилади. Бизга одамлар дарди билан яшайдиган, ўз ҳудудида муаммоларга ечим излайдиган оқсоқоллар керак.

Вилоят ҳокими Эркинжон Турдимов одамларни қийнаб келаётган муаммоларни баратаф этиш, улар розилигига эришиш борасида амалга оширилаётган ишлар биринчи галдаги вазифа бўлишига қарамасдан баъзи соҳа мутасаддилари ўз вазифаларига совуққонлик билан қараб келаётганлигини танқид қилди.

Учрашувда қирқдан ортиқ фуқаронинг мурожаати тингланиб, масалаларнинг асосий қисми жойида ижобий ҳал этилди. Вақт талаб этадиганлари эса назоратга олинадиган бўлди ва шу вақтнинг ўзида амалий ишларга киришилди. Ўз вазифасига совуққонлик билан қараган, фуқароларнинг мурожаатларини вақтида ҳал этмай келаётган айрим мансабдор шахсларга нисбатан интизомий жазо чоралари қўлланиладиган бўлди.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти

Фойдали ресурслар