2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Дастурлар ижроси жамоатчилик назоратида бўлса натижа ҳам яхши бўлади

Ўзбекистон Журналистлари ижодий уюшмаси Қорақалпоғистон бўлими Қорақалпоғистон Республикаси Жўқорғи Кенгеси ҳузуридаги нодавлат-нотижорат ташкилотлари ва фуқаролик жамиятининг бошқа институтларини қўллаб-қувватлаш Жамоат фонди томонидан ташкил қилинган грант танловида “Обод қишлоқ” ва “Обод маҳалла” дастурларининг ижроси юзасидан жойларда жамоатчилик назоратини таъминлаш” лойиҳаси бўйича ғолиб бўлган эди.

Нукусда мазкур лойиҳанинг мақсад ва вазифалари, аҳамиятига бағишланган матбуот анжумани бўлиб ўтди.  

Тадбирда Ўзбекистон Журналистлари ижодий уюшмаси Қорақалпоғистон бўлими раиси, лойиҳа раҳбари К.Реймов, Қорақалпоғистон Республикаси Иқтисодий ривожланиш ва камбағалликни қисқартириш вазирлигининг масъул ходими Т.Юсупов бугунги кунда Оролбўйида “Обод қишлоқ” ва “Обод маҳалла” дастурлари бўйича амалга оширилаётган лойиҳалар, уларнинг ўз вақтида ва сифатли бажарилиши, маблағларнинг мақсадли сарфланиши билан бир қаторда жойларда учраётган камчиликлар, уларни бартараф этишда жамоатчилик назоратини таъминлаш каби масалалар хусусида атрофлича маълумот берди.

Таъкидлаш жоизки, мамлакатни демократик янгилаш жараёнида фуқаролик жамияти институтларининг ролини тубдан ошириш, жамиятимизнинг ижтимоий-иқтисодий ҳаётини янада юксалтириш, камбағалликни қисқартириш, аҳоли бандлиги ва реал даромадларини ошириб бориш, аҳоли айниқса, ёшлар ва хотин-қизларнинг бандлигини таъминлаш, уларни ижтимоий ҳимоя қилиш, тадбиркорликни ривожлантириш ва шу орқали янги иш ўринларини яратиш долзарб вазифа ҳисобланади. Шу нуқтаи назардан, ҳудудларда бўлаётган ўзгариш ва ривожланишларда аҳоли фаоллигини ошириш каби муҳим йўналишни ўзида жамлаган мазкур гранд танлови нодавлат-нотижорат ташкилотлари ва фуқаролик жамияти институтлари фаолиятини қўллаб-қувватлашда муҳим омил бўлмоқда.

Жорий йилда Қорақалпоғистон Республикасидаги ҳар бир туман ва Нукус шаҳридан 2 тадан маҳалла ва қишлоқлар мазкур дастурга киритилиб, жами 34 та ўринда ободонлаштириш ва бунёдкорлик ишлари амалга оширилиши назарда тутилган. Лойиҳа доирасида дастурларнинг бажарилиш жараёнини оммавий ахборот воситаларида кенг ёритиш ва самарадорликка эришиш мақсадида “Обод қишлоқ” ва “Обод маҳалла” дастури журналистлар нигоҳида” мавзусидаги танлов эълон қилиниб, ғолиблар қимматбаҳо совғалар билан тақдирланиши белгиланган.  

– Лойиҳадан кўзланган мақсад, “Обод қишлоқ” ва “Обод маҳалла” дастурларнинг амалга оширилиши юзасидан жамоатчилик назоратини кучайтириш, бунда журналистларнинг фаоллигини оширишдан иборат, – дейди Ўзбекистон Журналистлари ижодий уюшмаси Қорақалпоғистон бўлими раиси, лойиҳа раҳбари Кенгесбой Реймов. – Энг муҳими, лойиҳа доирасида билдирилган таклиф ва мулоҳазалар тегишли мутасадди ташкилотларга ёзма равишда тақдим этиб борилади.  

Тадбирда оммавий ахборот воситалари ходимлари ҳамда блогерлар ўзларини қизиқтирган саволларга жавоб олди.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти

Фойдали ресурслар