Ўзбекистон Республикаси Президентининг Виртуал қабулхонаси ахборот тизими фаолиятининг узлуксизлигини таъминлаш мақсадида режали техник профилактика ишлари олиб борилиши муносабати билан эртага 2021 йил 29 июн (Сешанба) куни соат 19:00 дан шу йилнинг 30 июн (Чоршанба) куни соат 02:00 га қадар Виртуал қабулхона тизимидан фойдаланиш имконияти чекланиши мумкинлигини маълум қиламиз. Вақтинчалик ноқулайликлар учун узр сўраймиз.
2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Марғилонда суд-ҳуқуқ масалалари бўйича оммавий қабул ўтказилди

Ўзбекистон Республикаси ИИБ, Адлия вазирлиги, Ўзбекистон Республикаси Олий суди, Ўзбекистон Республикаси Президентининг Халқ қабулхонаси, Судялар Олий Кенгаши, Бош прокуратура ҳамда Божхона қўмитаси ҳамкорлигида ташкил этилган мазкур қабулда Фарғона, Марғилон, Қувасой шаҳарлари, шунингдек, Тошлоқ ва Фарғона тумани фуқаролари ўзларидаги мавжуд муаммолар, жумладан суд-ҳуқуқ масалалари юзасидан мутасаддиларга тўғридан-тўғри мурожаат қилди.

Мурожаатларнинг асосий қисмини фуқароларнинг бузилган ҳуқуқларини тиклаш, суд қарорларидан норозилик, белгиланган жазоларни енгиллаштириш, қарздорликни ундириш, уй-жой ва мерос масалалари ташкил этди.

Қабул якунига қадар 352 нафар фуқаронинг жиноий, маъмурий, фуқаролик, иқтисодий ҳамда оммавий муносабатлар бўйича мурожаатлари кўриб чиқилди. Уларнинг  258 таси жойида ҳал этилди.  

Шунингдек, 81 нафар судланувчи муддатидан олдин шартли равишда озод этилди, 1 нафар шахсга нисбатан жиноят иши кўриб чиқилиб, суд залининг ўзида қамоқдан озод қилинди, 19 та тадбиркорлик субъекти ўз ихтиёри билан моддий зарарни ўрнини қоплаганликлари учун уларга нисбатан қўзғатилган маъмурий иш тугатилди, 22 фуқарога алимент ундириш ҳақидаги суд буйруқлари чиқарилиб, ижрога қаратилди, 14 та ҳолатда судлар томонидан юридик аҳамиятга эга бўлган факт белгиланиши натижасида уларнинг ижтимоий ҳимояси билан боғлиқ ҳуқуқлари тикланди, 8 та ҳолатда ажралиш ёқасига келиб қолган оилалар билан суҳбат ўтказилиб, натижасига кўра уларни яраштиришга эришилди, 81 та ҳолатда фуқаролик, иқтисодий ва маъмурий ҳуқуқбузарликка оид ишлар сайёр суд мажлисида кўриб чиқилиб, низолар ҳал этилди, 4 нафар тадбиркорлик субъектининг жами 145 миллион сўмлик дебитор қарздорликни ундириш ҳақидаги даъво аризалари сайёр суд мажлисида даъвогар фойдасига ҳал этилди, 28 та шикоят бўйича суд қарорлари ижроси тўхтатилди.

Қабулда муаммолари ҳал бўлган 25 та нафар фуқаро ва тадбиркорлик субъекти Ўзбекистон Республикаси Президенти номига ёзма ва оғзаки ташаккурнома билдирди.  

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Иш ҳақи ва унга тенглаштирилган тўловларни ундиришИшонч телефони5 Июнь 202117 Июнь 2021Андижон вилояти

Фойдали ресурслар