Брифингда Oбодонлаштириш бошқармаси раҳбари Жасурбек Абулқосимов тумандаги ободонлаштириш ишлари ҳақида маълумот берди.

Қайд этилишича, бугунги кунда Янгиҳаёт тумани Ободонлаштириш бошқармаси томонидан 2021 йил баҳор мавсумида туман марказий кўчаларига, «Меҳригиё», «Қўрғонтепа», «Софдил», «Шокирариқ», «Қўрғонтепа тор» ҳамда «М.Турсунзода» кўчаларига 2176 та манзарали ва игнабаргли дарахт кўчатлари, 1507 та бута кўчатлари экилди. Бундан ташқари, 29 та гулхоналар барпо этилиб, 67000 дона мавсумий гул кўчатларини экиш ишлари амалга оширилди.

Янгиҳаёт тумани ҳудудида умумий узунлиги 77684 п.м. ирригация тармоқлари, дюкерлар сони 34 тани, қўл кучи билан тозаланадиган майдон 594807 кв.м.майдон, кўкаламзорлаштириш майдонлари газон қопламали майдонлар 482 024 кв.м. майдон ташкил этади. Бугунги кунда яшил майдонларни ўриш, ирригация тармоқларни тозалаш, дарахтларни оқлаш, чиқиндиларни олиб чиқиб кетиш ишлари мунтазам амалга оширилмоқда. Ҳозирда бошқармага махсус техникалар ҳам харид қилинди.