2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
“Бир челак сув сотиб олишга пул топмаган кунларимиз ҳам бўлган”

Фарғона вилояти Бағдод туманининг “Мурувват” маҳалла фуқаролар йиғини ҳудудидаги Гулистон қишлоғида аҳолини тоза ичимлик суви билан таъминлаш ишлари босқичма-босқич олиб борилмоқда. Бугун ҳудуддаги 52 та хонадонга оби ҳаёт кириб борди.

Дилрабо Аталикова оиласи билан 3 йилдан буён шу қишлоқда яшайди. Бу томонларга кўчиб келибдики, ичимлик сувини нақд пулига сотиб олган ё бўлмаса, 2-3 чақирим масофадан ташиб келтирган. Унинг ўзи бу ҳақда шундай дейди:

–  Жуда оғир шароитда яшадик. Сувни эшак араваларда ташиб ичганмиз. Гоҳида бир челак сув сотиб олиш учун пул тополмаган кунларимиз ҳам бўлган. Томорқани-ю айтмасангиз ҳам бўлади. Битта гиёҳ ундиролмасдик. Эккан дарахтларимиз мевасидан болаларимиз ермикан, деб жонимиз ҳалак эди. Худойимга айтганимиз бор экан, минг шукр. Бугун меники каби 50 дан ортиқ ҳовлида сув келди. Жудаям бахтиёрмиз. Севинчимиз ичимизга сиғмай кетяпти. Қўни-қўшнилар бир-бирини табриклашиб, “сув байрами” қилиб юришибди. Шу ишларнинг бошида турган Президентимизга раҳмат.

“Обод қишлоқ” Давлат дастури бўйича Гулистон қишлоғида 10,8 километр масофада тармоқ тортиш, 2 та тик артезиан қудуғи ва 300 метр/куб сиғимга эга бўлган сув сақлаш иншооти қурилиши режаланган. “Фарғона сув таъминоти” МЧЖ туман бўлими бошлиғи Зафаржон Усмоновнинг айтишича ҳозирга қадар 5.5 киломтер масофада тармоқ тортиш ишлари якунланган.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Иш ҳақи ва унга тенглаштирилган тўловларни ундиришИшонч телефони5 Июнь 202117 Июнь 2021Андижон вилояти

Фойдали ресурслар