2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Гурланда ҳам “Ҳоким, вазир ва ёшлар” учрашуви ўтказилди

Хоразм вилояти Гурлан туманида “Ҳоким, вазир ва ёшлар” мавзусида учрашув бўлиб ўтди.

Унда Гурлан тумани ҳокимининг биринчи ўринбосари Улуғбек Давлатов, Ўзбекистон фермер, деҳқон хўжаликлари ва томорқа ер эгалари кенгаши раиси ўринбосари Тўлқин Сатторов ва бошқалар иштирок этди.

Учрашувда 27 январь куни ёшлар бандлигини таъминлаш ва уларнинг бўш вақтларини мазмунли ташкил этишга оид чора-тадбирларга бағишланган йиғилишда берилган топшириқлар ижросини таъминлаш ва жорий йилнинг “Ёшларни қўллаб-қувватлаш ва аҳоли саломатлигини мустаҳкамлаш” йили деб эълон қилинганлиги боис мазкур соҳаларда туманда амалга оширилаётган ишлар, хусусан, “Ёшлар дафтари”ни юритиш бўйича барча маҳаллаларда ёшларни хатловдан ўтказиш ишлари олиб борилаётгани маълум қилинди.

Ҳозирга қадар 50 та маҳалла фуқаролар йиғинида хатлов ўтказилиб, 28 минг 700 нафар ёшнинг яшаш тарзи ва ҳаёти ўрганиб чиқилди. Натижада “Ёшлар дафтари”га 4873 нафар йигит-қиз киритилди.

Мазкур учрашувда Гурлан, Шовот ва Янгибозор туманларидан ёшлар  бандлигини таъминлаш ва ижтимоий муаммоларини ечиш бўйича амалга оширилаётган ишлар хусусида айтиб ўтилди. Кўплаб ёшлар ўзларини қийнаётган  ўттиздан ортиқ муаммоли масалалар ҳақидаги саволларга жавоб олди. Шундан, 8 та масала кредит, 3 та мурожаат Олий таълим муассасасида ўқиётган ёшларнинг контракт тўловлари, 11 та мурожаат ишга жойлашиш, 11 та мурожаат ер ажратиш масалаларида эди.

Гурлан тумани Қатариқ маҳалласида яшовчи Сарвар Ражапбоев вақтинча ишсизлиги боис маҳаллада турган қаровсиз  ердан тадбиркорлик мақсадида фойдаланиш истаги борлиги, Боғистон маҳалласида яшовчи Жумабаев Хуршид Қўшназарович акфа ромларини ишлаб чиқариш учун имтиёзли кредит олиш ва ер масаласида мурожаат қилди. Янгибозор тумани, Ифтихор маҳалласида яшовчи Янгибаев Фарид чорвачилик билан шуғулланиш учун  кредит олиш, Шовотлик Севара Садиқова ишга жойлашиш ва уй-жой олишда амалий ёрдам берилишини сўраб мурожаат қилди.

Мурожаатлар тегишли масъуллар томонидан кўриб чиқиладиган бўлди.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти

Фойдали ресурслар