2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Оммавий сайёр қабулда 5 нафар шахс жазони ўташ муддатидан олдин озод қилинди

Бухорода Президент Администрацияси, Халқ қабулхонаси, қатор вазирлик ва идоралар, вилоят, шаҳар ва туманлар ҳокимликлари, секторлар, мутасадди ташкилотлар раҳбарлари иштирокида суд-ҳуқуқ масалалари бўйича оммавий сайёр қабуллар давом этмоқда.

Вилоятнинг Жондор туманида ўтказилган сайёр қабулда 44 та фуқаронинг оғзаки, 13 та фуқаронинг ёзма жами 57 нафар фуқаронинг мурожаатлари қабул қилинди.

Қабул қилинган фуқароларнинг 26 таси жиноят, 21 таси фуқаролик, 3 таси маъмурий, 7 таси иқтисодий ишлар бўйича судларга оид мурожаатлари тингланди.

Мурожаатлардан 18 таси бўйича ҳуқуқий тушунтиришлар берилди. 26 таси жойида ижобий ҳал этилди.

13 та мурожаат бўйича аризалар Олий суд томонидан кассация тартибида хал қилиш учун қабул қилинди. Ушбу мурожаатларнинг барчаси қаноатлантирилиб,тегишли судлов ҳайъатига кўриб чиқиш учун ўтказилди.

Жиноят ишлари бўйича Жондор туман суди томонидан 5нафар шахс жазони ўташ муддатидан олдин озод қилинди. 7 нафар шахсга нисбатан қўзғатилган маъмурий жавобгарлик тўғрисидаги иш суд мажлисида кўрилди. Мурожаатчиларнинг аризаси қаноатлантирилиб, маъмурий жавобгарликдан озод қилинди. 6 нафар шахсга нисбатан фуқаролик ишлари бўйича судлар томонидан алимент ундириш юзасидан суд буйруғи чиқарилиб, ижрога қаратилди.

Фуқаролик ишлари бўйича судлар томонидан ажрашиш ёқасига келиб қолган оилалар билан суҳбатлар ўтказилиб, 5 нафар вояга етмаган фарзанди бор 3 та оила яраштирилди.

Иқтисодий ишлар бўйича Ромитан туманлараро суди томонидан тадбиркорларнинг даъвогарлигида 932 миллион 39 минг 497 сўмлик 5 та даъво аризаси кўриб чиқилди. Тадбиркорларнинг 807 миллион 532 минг 912 сўмлик даъво талаблари қаноатлантирилди.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Иш ҳақи ва унга тенглаштирилган тўловларни ундиришИшонч телефони5 Июнь 202117 Июнь 2021Андижон вилояти

Фойдали ресурслар