2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Халқ таълими бошқармаси бошлиғи сайёр қабул ўтказди

Самарқанд вилояти халқ таълими бошқармаси бошлиғи З.Шодиева Халқ таълими вазирлиги томонидан белгиланган “Сайёр қабуллар ойлиги” доирасида Иштихон туманидаги 1-умумий ўрта таълим мактабида сайёр қабул ўтказди.

 Қабулда Иштихон, Оқдарё, Каттақўрғон туманлари ва Каттақўрғон шаҳри аҳолиси ва педагог-ходимларининг халқ таълими соҳасига доир мурожаат, шикоят ва таклифлари эшитилди.

 Мурожаатларнинг аксарияти мактабларни таъмирлаш ва қурилиш ишлари олиб бориш, атрофини ўраш, компьютер ва бошқа жиҳозларга бўлган эҳтиёж, таълим муассасасига ишга жойлашиш билан боғлиқ бўлди.  

 Мактабларда қўшимча синфхоналар қуриш, биноларни таъминлаш ва жиҳозлаш билан боғлиқ масалалар тегишли давлат идоралари билан биргаликда кўриб чиқилиб, ҳал этилиши тушунтирилди. Қайд этилишича, бу йил тегишли дастурлар асосида вилоятда 2 та янги мактаб қурилади. 37 муассасада қурилиш-таъмирлаш ишлари амалга оширилади. Бунинг учун давлат бюджетидан 174 миллиард сўмдан ортиқ маблағ ажаратилиши белгиланган.

 Қабул давомида тушган 27 та мурожаатнинг 10 таси жойида ижобий ҳал этилди.

 – Мутахассислигим психолог, - дейди иштихонлик Хонзода Қудратова. - Мен фоалият олиб борган касб-ҳунар коллежи тугатилгач, вақтинча ишсиз бўлиб қолдим. Сайёр қабулда халқ таълими бошқармаси бошлиғига иш сўраб мурожаатим қилдим. Туманимиздаги 5-умумий ўрта таълим мактабида психолог сифатида ишлайдиган бўлдим.

Фойдали ресурслар