2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Нурафшон шаҳрида давлат хизматларини кўрсатиш такомиллаштирилади

Ўзбекистон Республикаси Адлия вазирлиги, Европа Иттифоқи ва БМТнинг Тараққиёт дастури билан ҳамкорликда “Ўзбекистоннинг қишлоқ жойларида давлат хизматлари кўрсатишни такомиллаштириш ва бошқарув даражасини ошириш” лойиҳасини амалга оширмоқда.

Бу орқали қишлоқ жойлардаги аҳолининг заиф қатламлари, айниқса, аёллар, ёшлар ва болалар, қариялар ва ногиронларнинг турмуш даражасини яхшилаш борасида Ўзбекистон ҳукуматининг муҳим қадамларидан бири бўлмиш давлат хизматларининг сифатини яхшилаш, давлат хизматлари кўрсатиш тизимида шаффофлик ва ошкораликни таъминлашга алоҳида эътибор қаратилган.  

Шунингдек, инсон омили таъсирини камайтириш учун соҳада автоматлаштирилган тизимини ривожлантириш, коррупциянинг олдини олиш чораларини қўллаш каби муҳим вазифаларни амалга ошириш ҳам кўзда тутилган. Ушбу лойиҳани амалга оширишда Тошкент вилоятидаги Нурафшон шаҳар давлат хизматлари маркази ҳам тажриба тариқасида танлаб олинган.  

Давлат хизматлари агентлиги тизимида кадрлар малакасини ошириш,  аҳолига давлат хизматлари кўрсатиш сифатини баҳолаш ва таклифлар ишлаб чиқиш мақсадида Тошкент вилоят бошқармаси ходимлари, ДХМ ва давлат хизматларини кўрсатувчи давлат идоралари вакиллари иштирокида  семинар-тренинг ташкил этилди. 

Жумладан, Нурафшон шаҳри Тошкент вилоятининг янги пойтахти ҳисобланади. Режа бўйича бу Ўзбекистондаги биринчи “ақлли шаҳар” бўлади.  Шу боис ДХМ хизматларини оммалаштириш орқали шаҳар аҳолисини, айниқса, аёлларни қўллаб-қувватлаш, соҳага янги инновацион ғояларни олиб кириш, рақамли кўникмалар марказларини тузиш каби қатор йўналишларни ҳаётга  татбиқ этишда ушбу ҳудуд учун жуда  муҳим аҳамиятга эга. 

Семинар-тренингда дастлаб мутасаддилар БМТ Тараққиёт дастури лойиҳаси доирасида қандай ишлар амалга оширилаётгани тўғрисида йиғилганларга ахборот берди. ДХМ фаолиятини такомиллаштириш, кўрсатилаётган хизматлар сифатини ошириш, муаммоларни  биргаликда ҳал этиш бўйича таклифлар муҳокама этилди.    

  — Давлат хизматлари кўрсатиш соҳасига инновацион ечимлар ва ахборот-коммуникация технологияларини жорий этиш, ортиқча овворагарчиликларни олдини олишга ва коррупция ҳолатлари юзага келишининг олдини олишга  хизмат қилади, — дейди ДХА Тошкент вилояти бошқармаси бўлим бошлиғи М.Каримов.  — Семинарда соҳа оид норматив-ҳуқуқий базани такомиллаштириш, давлат идоралари салоҳиятини ошириш, хизмат кўрсатиш сифатини янада яхшилаш, миллий бошқарувни такомиллаштириш бўйича 2021 йил учун лойиҳа-режалар билан ҳам танишдик.    

Таъкидланганидек, Давлат хизматларини кўрсатиш механизмларининг барқарорлигини таъминлаш мақсадида, қўшма лойиҳа доирасида Нурафшон шаҳар Давлат хизматлари марказини замонавий ускуналар билан жиҳозлаш назарда тутилган.    

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти

Фойдали ресурслар