Ўзбекистон Республикаси Президентининг Виртуал қабулхонаси фаолиятининг узлуксизлигини таъминлаш мақсадида вақтинчалик техник профилактика ишлари олиб борилиши муносабати билан 24:00 дан 05:00 га қадар мурожаатларга файл бириктириш жараёнида қисман узилиш кузатилишини маълум қиламиз. Вақтинчалик ноқулайликлар учун узр сўраймиз.
2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Вилоят ҳокими: “Фуқароларнинг мурожаати эътиборсиз қолмаслиги, уларнинг барча саволларига раҳбарлар жавоб бериши керак”

Бухоро вилояти ҳокими вазифасини бажарувчи Ботир Зарипов Қоракўл туманида оммавий сайёр қабул ўтказди. Унда қоракўлликлардан ташқари, Олот, Ғиждувон, Жондор туманлари ва Бухоро шаҳридан ҳам фуқароларнинг муаммолари тингланди.

Сайёр қабулда фуқаролар томонидан 362 та мурожаатни вилоятдаги 4 та сектор, шунингдек, корхона, ташкилот, муассасалар раҳбарлари, туман ҳокимлиги мутасаддилари эшитди. Вилоят раҳбари 67 нафар фуқаронинг мурожаатини тинглади.

 Мурожаатлар асосан йўлларни таъмирлаш, тоза ичимлик суви таъминотини яхшилаш, коммунал соҳадаги камчиликларни бартараф этиш, уй-жой билан таъминлаш, тиббий хизмат кўрсатиш сифатини яхшилаш, тадбиркорликни ривожлантириш, тижорат банкларидан кредит олишда кўмаклашиш ва ишга жойлашиш каби муаммолардан иборат бўлди.

-- Сайёр учрашувда маҳалламиз йўллари масаласида мурожаат қилдим, - дейди туманнинг “Зарафшон” маҳалла фуқаролар йиғини ҳудудидаги “Қоракўл” кўчасида яшовчи Гулнора Маллаева. - Мурожаат шу куннинг ўзида ечим топди. Кўчамизда бошланғич таъмирлаш ишлари бошлаб юборилди. 

Жойида ҳал этиш имкони бўлган мурожаатлар юзасидан талаблар қаноатлантирилди. Атрофлича ўрганишни тақозо этадиган долзарб масалаларни ҳал этиш юзасидан мутасаддиларга топшириқлар берилди. 

Вилоят раҳбари фуқароларнинг мурожаатлари эътиборсиз қолмаслиги, уларнинг барча саволларига раҳбарлар жавоб беришлари кераклигини таъкидлади. 

Туман тиббиёт бирлашмаси томонидан бепул тиббий кўрик ташкил этилди. Аҳоли мобил поликлиника хизматидан фойдаланди. Шу куни кўрикка жалб этилган малакали мутахассислар томонидан аниқланган касалликлар бўйича беморларга маслаҳатлар берилди. Уларни соғломлаштириш чоралари кўрилди.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Қимматли қоғозлар бўйича дивидендларИшонч телефони7 Сентябрь 201916 Сентябрь 2019Қашқадарё вилояти
Уй-жой билан таъминлашХалқ қабулхонаси10 Август 201917 Сентябрь 2019Тошкент вилояти

Фойдали ресурслар