2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Наманганда сайёр қабул натижалари қандай бўлди?

Ўзбекистон Республикаси Президенти администрацияси ҳамда Халқ қабулхонаси бошчилигида 20 га яқин вазирлик ва идора раҳбарлари иштирокида Наманган вилояти аҳолиси учун сайёр қабуллар ташкил этилди.

Чуст, Тўрақўрғон, Чортоқ ва Учқўрғон туманларида ташкил қилинган сайёр қабулларда асосан суд-ҳуқуқ, уй-жой ва моддий ёрдам ажратиш, газ, электр энергияси таъминоти, йўллар таъмири, меҳнат ва бандлик каби масалаларда мурожаатлар келиб тушди. Ички ишлар, банк, прокуратура, соғлиқни сақлаш, кадастр сингари соҳалар бўйича ҳам мурожаатлар кўп бўлди.

Мулоқотлар давомида турли соҳа мутасаддилари қатор мурожаатларни жойига чиқиб ўрганди. Муаммоларга биргаликда ечим топиш учун бор куч-имконият ишга солинди.

Бир мисол – Чортоқ тумани«Оромгоҳ» маҳалласида жойлашган 49- умумтаълим мактабида компьютер етишмас, интернет тармоғи йўқ, атрофдаги йўллар эса таъмирталаб эди. Бу уч муаммони тегишли соҳалар мутасаддилари бирга ўрганиб, бирга ҳал қилиб беришди. Дейлик, Халқ таълими вазири ўринбосарининг ўрганишларидан сўнг мазкур 49-мактабга 16 дона компьютер жамланмаси, бадиий адабиётлар тўплами, спорт анжомлари етказиб берилди.  

Ахборот технологиялари ва коммуникацияларини ривожлантириш вазири ўринбосари эса 7 км. оптик толали алоқа тармоғи тортилиши ва мактабнинг интернет тармоғига улаб берилишини, Автомобиль йўллари қўмитаси масъуллари эса мактаб атрофидаги 1,5 минг квадрат метр йўлакда асфальтлаб берилишини таъминлади.

Бир мактабдаги уч муаммонинг уйғун ҳал қилиниши – халқ билан мулоқот тизими турли соҳалар вакилларининг муаммоларга биргаликда ечим топиши учун ҳам ниҳоятда муҳим платформа бўлаётганига, куч-имкониятлар бирлашаётганига биргина мисол, холос.

Дарвоқе, вилоятдаги сайёр қабулларда Халқ таълими вазири ўринбосарига мурожаатлардан сўнг Поп ва Чуст туманларидаги иккита мактабни реконструкция қилиш масаласи келгуси йилги дастурларга киритиладиган бўлди, 6 нафар мурожаатчи халқ таълими тизимида иш бошлади.

Ахборот технологиялари ва коммуникацияларини ривожлантириш вазири ўринбосарига мурожаатлар асосида 12 та хонадонга интернет тармоғи тортилди.  

Бу галги сайёр қабуллар жараёнида эса ҳудуддаги 10 мингдан зиёд аҳолига кўчма савдо шохобчалари орқали «Ўзмобайл» миллий операторининг мобил алоқа карталарини етказиб бериш йўлга қўйилди.

Автомобиль йўллари қўмитасига мурожаатлар асосида Чуст, Тўрақўрғон, Учқўрғон, Чортоқ туманларида 1,8 км. дан зиёд йўл асфальт қилинди, 3,6 км. чанг-лой кўчалар тош йўлга айлантирилди, 1,5 км. йўл таъмирланди. Жумладан,Чортоқ туманидаги мана бу маҳаллага «Нурафшон», кўчага эса «Обод» деб ном қўйилган.

Қисқа айтсак, Чуст, Тўрақўрғон, Чортоқ ва Учқўрғон туманларидаги сайёр қабулларда 1 минг 878 та мурожаат асосида 1 минг 929 та масала кўриб чиқилди.  

Уларнинг 1 минг 167 тасига жойида ечим топилди, 177 та мурожаат эгасига тушунтириш берилди, 585 та мурожаат бўйича аниқ муддат ва масъуллар белгиланиб назоратга олинди.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти

Фойдали ресурслар