2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Навоий вилояти: Адлия мурожаатларнинг 66 фоизини ижобий ҳал этди

Адлия органлари тизимида “Бепул ҳуқуқий маслаҳат билан ҳар бир уйга” шиори остида ҳуқуқий тарғибот тадбирлари амалга оширилмоқда.

Адлия органлари тизимида “Бепул ҳуқуқий маслаҳат билан ҳар бир уйга” шиори остида ҳуқуқий тарғибот тадбирлари амалга оширилмоқда. 

 

Ана шундай тадбирлардан бири Навоий вилояти Навбаҳор тумани “Дул-дул” қишлоғида бўлиб ўтди.

 

Мулоқот жараёнида қишлоқ аҳлисини қийнаб келаётган электр энергияси, табиий газ, ичимлик суви масалалари юзасидан мурожаатлар қабул қилинди. Қишлоқ фуқароларининг сўзларига кўра, ҳудудда электр энергияси ўтказгичлари носоз ҳолатда, улар ўз вақтида қўлбола тайёрлангани боис бугунги кунда электр симлари дарахт шохларига ўралашиб қолган. Мулоқотда фуқароларнинг меҳнат муносабатлари, ёшга доир пенсияга чиқиш ва туғилганлик ҳақида гувоҳнома олиш билан боғлиқ мурожаатлари ҳам иш юритуви учун қабул қилинди.

 

Озода Исломова туғилганлик ҳақида гувоҳнома олишда амалий ёрдам сўраб туман адлия бўлимига мурожаат қилган. Гап шундаки, фуқаро жорий йилда ёшга доир пенсияга чиқиши лозим. Ота-онаси ўз вақтида ФҲДЁ бўлимидан рўйхатдан ўтмасдан яшаб келган. Кейинчалик ҳам турли оилавий муаммолар, эътиборсизлик сабаб фуқаро шу кунга қадар туғилганлик ҳақидаги гувоҳномани олмаган.

 

– 1986 йилда турмушга чиққанман. Ҳозирда беш нафар фарзандим бор. Давлат ишида ишламаганман. Бугун орамизда бўлмасада, умримнинг 15 йилини ногирон фарзандимга бағишладим. Турмуш ташвишлари билан бўлиб туғилганлик ҳақидаги гувоҳнома ҳаётим давомида керак бўлиши мумкинлигини ўйлаб ҳам кўрмаганман. Айниқса, у пенсияга чиқишда жуда керак экан, – дейди О.Исломова.

 

Айни пайтда фуқаро гувоҳномасини олиш, нафақага чиқиш учун ҳужжатларини тайёрламоқда.

 

Маълумот ўрнида айтиб ўтиш керакки, шу кунга қадар лойиҳа доирасида адлия органлари томонидан вилоятда 587 та оила ўрганилди. Фуқаролардан 77 та мурожаат қабул қилиниб, шундан 51 таси ёки 66 фоизи ижобий ҳал этилди. Қолган мурожаатлар ўрганиш жараёнида.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти

Фойдали ресурслар