2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Даромад манбаи бўлса камбағал оила қолмайди...

Фарғона вилояти Ўзбекистон туманидаги “Нурсух” маҳалласида яшовчи Шоҳиста Раҳмонова томорқасига 0,5 сотих иссиқхона қуриб берилди. Туман бандликка кўмаклашиш маркази оилага уруғлик, суғориш воситалари харид қилиш учун субсидия маблағлари ажратди.

Эрта кўкламда иссиқхонага экилган помидор ҳосилга кирибди. Хонадон соҳиблари экинлар ривожидан мамнун. Эҳтиёжларидан орттириб даромад ҳам олмоқда.

 

–Томорқа экин майдонидан унумли фойдаланиш учун уруғлик, кўчатлар етказиб бериш юзасидан таклифлар беришгани айни муддао бўлди, – дейди кичик иссиқхона юмушлар билан андармон бўлаётган Шоҳиста Раҳмонов. – Эндиликда иссиқхонамизни кенгайтиришни кўзлаб турибмиз. Бу оиламиз даромадини ошириш, фаровонлигини таъминлашнинг муҳим омилларидан.

 

Бир қараганда ҳамма иш рисоладагидек кўринади. Лекин тадбиркорлик, томорқачилик борасида ўзига хос тажрибага эга бўлган маҳалла фуқаролар йиғинида 25 та камбағал, эҳтиёжманд оилалар рўйхати шакллантирилганидан таажжубландик. Битта маҳаллада шунча камбағал оила борми? Савол назари билан маҳалла фуқаролар йиғини раиси Ҳусанбой Қўлдашевга юзландик.

 

–Бунча камбағал оилалар йўқ. Лекин ишсиз, якка-ёлғиз, ногиронлиги бўлган оилалар ҳам ана шу рўйхатга киритилган. Айни кунда кўчабошилар, кенгаш аъзолари, фаоллар билан ҳамжиҳатликда камбағал оилаларнинг янги рўйхатини шакллантиряпмиз. Унга кўра, 2 та ночор оилани камбағаликдан чиқариш чоралари кўрилди, 11 нафар кам таъминланган фуқаролар хақ тўланадиган жамоат ишларига жалб этилди, 12 нафар ижтимоий ҳимояга муҳтож оилаларга “Саховат ва кўмак” жамғармаси томонидан озиқ-овқат маҳсулотлари берилди.

 

Аҳоли бандлигини таъминлаш, тадбиркорлик фаолиятини қўллаб- қувватлаш, ёшларни замонавий ҳунарга ўргатиш, шахсий томорқадан самарали фойдаланиш учун зарур шароитлар яратилаётгани эҳтиёжманд оилаларни ҳар жиҳатдан қўллаб-қувватлаш имкониятини бермоқда.

 

–Шу кунга қадар камбағал, ижтимоий ҳимояга муҳтож, кам таъминланган оилаларга 63 та енгил типда бепул иссиқхоналар қуриб берилди, – дейди молия, иқтисодиёт ва камбағалликни қисқартириш масалалари бўйича Ўзбекистон тумани ҳокими ўринбосари Олимжон Сатторов. – Бундан ташқари, 879 та эҳтиёжманд ҳамда 307 та камбағал оилаларга босқичма-босқич ёрдам кўрсатиш орқали камбағаликдан чиқариш борасида зарурий чора-тадбирлар белгиланган. Бу аввало эҳиёжманд ва камбағал оила вакилларини ишга жойлаш, тадбиркорликка жалб этиш, имтиёзли кредитлар бериш, иссиқхона ва деҳқончилик хўжаликлари ташкил этиш, уй хўжаликларини юритиш учун бепул тикув машиналар олиб бериш йўли билан бартараф этилади.

 

Ҳозирги кунда маҳалла фуқаролар йиғинлари томонидан кам таъминланган оилаларга нафақа тайинлаш амалиёти йўлга қўйилган. Бироқ, нафақа бериш билан камбағаллик, эҳтиёжмандликни камайтириб бўлмайди. Бунинг учун янги иш ўринлари яратиш, одамларнинг боқимандалик кайфиятини йўқотиш, тадбиркорлик соҳасига йўналтириш, шахсий томорқа майдонларидан самарали фойдаланиш ишларини янги босқичга олиб чиқиш талаб этилади. Бунинг учун озгина меҳнат, изланиш, интилиш бўлса кифоя.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти

Фойдали ресурслар