Мамлакатимизда қишлоқ хўжалигини янада ривожлантириш, бу борада ҳар қарич ердан самарали фойдаланиш орқали ишлаб чиқариш ҳажмини оширишга алоҳида эътибор қаратилмоқда.
Томорқачиликни ривожлантириш бугунги пандемия шароити ва у сабаб юзага келаётган глобал иқтисодий инқироз ҳолатида аҳоли бандлиги ва даромадини оширишнинг асосий йўлларидан бири бўлиб турибди.
Маҳалла ва оилани қўллаб-қувватлаш вазирлиги томонидан юртимиздаги барча маҳаллаларда одамларнинг турмуш шароити, уларни қийнаб келаётган муаммолар ўрганилиши баробарида томорқадан самарали фойдаланиш, бу борада омилкор деҳқонларнинг илғор тажрибалари тарғиб қилинмоқда. Эътиборли жиҳати, ўрганишлар таҳлили меҳнаткаш, томорқасининг ҳар қарич еридан унумли фойдаланиб, юқори даромад топаётган оилалар кўплигини кўрсатмоқда.
Тошкент вилояти Зангиота туманида истиқомат қилувчи Хасанжон Ойхўжаевлар оиласи ана шундай меҳнатсевар, омилкор оилалардан биридир. Хасанжон 1-гуруҳ ногирони. Кўзлари ёруғ дунёни у қадар яхши кўрмасада, ҳалол меҳнати, матонати билан бор имкониятлардан оқилона фойдаланиб келаётган шижоатли ёшлардан. Ушбу хонадонга кириб борган ҳар бир инсон бу йигитдаги меҳнатга чанқоқлик, келажакка ишонч ҳамда бугунги кунига шукроналик ҳиссини туяди.
Хасанжон Ойхўжаев бугунги кунда 3,5 сотихли томорқасида иссиқхона ташкил қилиб, бир йилда 3 маротаба ҳосил олмоқда.
– Иссиқхонамизда помидор, бодринг, тўқсонбости экинлар экиб, ўз оилам ва аҳолини қишлоқ хўжалиги маҳсулотлари билан таъминлаб келаяпман, – дейди Хасанжон. – Шу мўъжазгина иссиқхонадан ҳар йили яхшигина даромад оламиз. Бу йил 30 миллион сўм даромад олишни мўлжаллаб турибман.
Кўзлари ёруғ дунёни яхши кўра олмайдиган ушбу йигитнинг ҳаёт тарзи барчамизга ибрат бўлмоғи лозим. Зеро, сизу биз «кўзи ожиз», дегувчи шу йигитнинг қалб кўзи очиқ. Хасанжон қалб кўзи ила қилаётган ҳалол меҳнати билан айрим кўзи очиқ, боқимандалик кайфиятига берилиб, «Мен юртимга эмас, юртим менга нима берди», деб яшаётган «сўқирларга» ҳар томонлама ибрат бўла олади.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |