2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Андижонлик юздан ортиқ тадбиркорлар 10 тадан 500 тагача эҳтиёжманд оилани ўз қарамоғига олиш истагини билдирди

Президентимиз раҳбарлигида жорий йил 20 апрель куни саноат, қурилиш ва инфратузилма тармоқлари корхоналарининг тўлиқ ишлашини таъминлаш масалалари бўйича ўтказилган онлайн йиғилишда халқимизнинг тарихий ва маънавий қадриятларини, меҳр-саховат, оқибат ва ҳиммат каби юксак фазилатларини инобатга олиб илгари сурган “Саховат ва кўмак” умумхалқ ҳаракатини йўлга қўйиш ташаббуси андижонлик тадбиркорлар томонидан қўллаб-қувватланмоқда.

Муҳтожларни қўллаб-қувватлаш, ночорларга, кексаларга меҳр-оқибат, саховат кўрсатиш халқимизнинг азалий қадриятларидан. Бу эзгу фазилатлар қон-қонимизга сингиб кетган. Айниқса, бугунги таҳликали кунларда ана шу ўлмас қадриятларимиз яна бир бор синовдан ўтмоқда. Давлатимиз раҳбари ташаббуси билан бутун миллатимиз “Саховат ва кўмак” умумхалқ ҳаракати атрофида жипслашмоқда. Бу халқимизнинг бирлиги, ҳамжиҳатлигининг амалий намунаси бўлмоқда. 

 

photo_2020-04-24_11-25-13.jpg

 

Коронавирус пандемияси туфайли карантин тартиби жорий этилган бугунги синовли кунларда эҳтиёжманд, кам таъминланган инсонлар ва оилаларга ёрдам кўрсатишга имкони бўлган ҳар бир юртдошимиз хайрли ҳаракатга қатнашишга интилмоқда. 

 

“Khantex Group” масъулияти чекланган жамияти томонидан Қўрғонтепа туманида ташкил этилган пахта-тўқимачилик кластери раҳбарияти карантин муддати тугагунга қадар тумандаги 300 та эҳтиёжманд оилани зарур озиқ-овқат маҳсулотлари ҳамда дори-дармонлар билан таъминлаш ташаббуси билан чиқди. Бундан ташқари, тумандаги қишлоқ хўжалик ишлари билан банд бўлган 1 минг 700 нафар фуқарога берилаётган иш ҳақига қўшимча 300 минг сўмдан берадиган бўлди. 

 

Ёш тадбиркор Абдуллоҳ Мадаминов ҳам ташаббус кўрсатиб, бугунги оғир кунларда Андижон шаҳридаги 300 та эҳтиёжманд, ёрдамга муҳтож оилани қўллаб-қувватлашни ўз зиммасига олди.

 

– Корхонамиз жойлашган ҳудуддаги 100 та ёрдамга муҳтож оилага кўмак беришга аҳд қилдик, – дейди Андижон шаҳридаги “Динар текстил” масъулияти чекланган жамияти бошқарувчиси Абдурасул Абдуллаев. – Шахсан мен коронавирус пандемияси туфайли юзага келган қийин бир шароитда халқимизга кўмак бериш, муҳтожларни қўллаб-қувватлаш ҳар бир тадбиркорнинг қалб амри бўлилиш керак деб биламан. Чунки мана шу меҳнаткаш халқимиз борлиги, юртимизда тадбиркорларга кенг имкониятлар яратиб берилаётгани учун ҳам тадбиркор сифатида иш олиб боряпмиз. Шундай экан бугунги синовли кунларда халқимизга ёрдам бермаслигимиз мумкин эмас. Шу боис ҳам Президентимизнинг ташаббусини биринчилардан бўлиб қўллаб-қувватладик. 

 

“Саховат ва кўмак” умумхалқ ҳаракатини қўллаб-қувватлаб, амалий ёрдами билан ушбу ҳаракатга қўшилаётган тадбиркорлар сафи тобора кенгайиб бормоқда. 

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти

Фойдали ресурслар