Навоий кон-металлургия комбинатининг 100 нафар ёш ишчи-ходимидан иборат кўнгиллилар жамоаси Қорақалпоғистон Республикаси Мўйноқ туманида “Орол тақдири – келажак авлод тақдири” шиори остида амалга оширилаётган хайрли ишларда фаол қатнашмоқда.
Навоийлик ёшлар Мўйноқда олиб борилаётган кенг кўламли бунёдкорлик-қурилиш ишлари билан танишди, Ёшлар маркази, туман экология музейи, замонавий спорт мажмуаси, “Кемалар қабристони”ни бориб кўрди.
Комбинат ёшлари музей, спорт мажмуаси, чекка ҳудудларда жойлашган қатор умумтаълим мактаблари кутубхоналари ва бошланғич синф ўқувчиларига китоблар, спорт анжомларини совға қилди, Ўзбекистон Республикаси Фавқулодда вазиятлар вазирлигига қарашли қурилиш батальонига эса 100 дона мотоарра топширилди.
– Биз, ёшларнинг “Green challenge” экочорлов акцияси доирасида Мўйноқ туманида олиб борилаётган бунёдкорлик ишларида қатнашиш бўйича ташаббусимиз комбинат раҳбарияти томонидан қўллаб-қувватланганидан хурсандмиз. Йигитларимиз Мўйноқ шаҳри атрофида турли кўчатлар ҳамда Орол денгизининг қуриган ерларида саксовул кўчатларини экиш ишларида фаол иштирок этмоқда, – деди комбинат ёшлари етакчилари кенгаши раиси Санжар Ражабов.
Навоий кон-металлургия комбинати ёшларининг бундай хайрли ишлари Мўйноқ туманида давом этмоқда.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |