2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Сурхондарё вилояти ҳокими Қумқўрғон туманида сайёр қабул ўтказди

Сурхондарё вилояти ҳокими Тўра Боболов вилоятдаги барча бошқарма ва ташкилот раҳбарлари билан биргаликда Қумқўрғон туманига ташриф буюриб, тумандаги “Наврўз“, “Сурхон соҳили“, “Янги шаҳар“ маҳалла фуқароларининг мурожаатини ўрганди. Жумладан, “Янги шаҳар” маҳалласи Ибн Сино кўчасидаги кўп қаватли уйларда яшовчи 78 нафар фуқаролар билан юзма-юз мулоқот ўтказди.

Учрашув давомида жисмоний ва юридик шахслар томонидан билдирилган фикр, мулоҳаза ва мурожаатлар асосида бир қатор муаммоли масалалар мавжудлиги, жумладан, электр энергия, ичимлик суви ва табиий газ таъминоти, уй-жойларни таъмирлаш, уй-жой қуриш учун ер майдони ажратиш, ижтимоий ҳамда ободонлаштириш соҳаларидаги муаммолари кўриб чиқилди.

“Наврўз“ маҳалласидаги мулоқот давомида ҳам 132 нафар аҳоли томонидан ўртага ташланган турли муаммолар, талаб ва таклифлар тингланди. Йўл, сув муаммолари, маҳаллада зовур қазиш , мактабгача таълим ташкилоти қуриш бўйича бир қанча мурожаатлар қайд этилди.

Шу куннинг ўзида муаммоларни ҳал қилиш ишларига киришилди. Ибн Сино кўчасидаги кўп қаватли уйлар атрофида болалар майдончаси, бетон йўлаклар ва тандирхона қуриш, “Наврўз” маҳалла фуқаролар йиғини ҳудудидаги 3 км. ички йўлларни таъмирлаш, ушбу маҳалла ҳудудидаги эскирган электр устунлари ўрнига бетон устунлар ва 2 (икки) дона янги 250 КВАли трансформатор пунктини ўрнатиш, 74 км. узунликдаги зовурни қазиш, тозалаш ишларини амалга ошириш бўйича аниқ вазифалар белгиланди.

Бундан ташқари, Т.Боболов аҳоли хонадонларида бўлиб, уларнинг яшаш шароитлари билан ҳам танишди. Жумладан, “Янги шаҳар“ маҳалласида истиқомат қилувчи Роҳила Эрқулова хонадонида бўлди. 13 ёшли ногиронлиги бўлган боласини парваришлаётган ушбу аёл билан суҳбатлашиб, совғалар улашди. Шунингдек, “Сурхон соҳили“ маҳалласида яшовчи турмуш шароити оғир бўлган Анор Анор Мардонақулова ҳолидан хабар олинди.

- Ўтказилаётган сайёр қабуллар халқ дардига дармон бўлаётганига ўзим мисолимда тўла ишонч ҳосил қилдим, - дейди Қумқўрғон тумани “Сурхон соҳили” маҳалласида яшовчи Анор Мардонақулова. – Кўп йиллардан буён уч оила икки хонали уйда истиқомат қилиб келаяпмиз. Кам таъминланган, ночор турмуш шароитимиздан рости, жуда азият чекардик. Маҳаллада ўтказилган сайёр қабул чоғида уй-жойимизни қайта қуриш учун кўмак сўрадим. Мурожаатим инобатга олиниб, туман ҳокимлиги томонидан янги уй-жой қурилиши бошлаб юборилди, ҳозир бу борадаги ишлар деярли якунига етиб ҳам қолди. Кўрсатилган бундай ғамхўрлик, меҳр-оқибатдан ўзим ҳамда фарзандларим беҳад шодландик, бошимиз кўкка етди. Албатта, ўйма-уй, хонадонма-хонадон юриб, аҳоли мурожаатларини тинглаш, унга ечим топишга доир саъй-ҳаркатлар, олиб борилаётган халқчил сиёсат замирида инсонни улуғлаш, унинг манфаатларини таъминлашдек эзгу мақсад мужассам эканига шахсан менинг ишончим ортди.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти

Фойдали ресурслар