2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Вилоят ҳокими қишлоқ аҳолиси муаммоларини ўрганди

Сурхондарё вилояти ҳокими Тўра Боболов Шеробод туманидаги Майдон маҳалласида сайёр қабул ўтказди.

Вилоят, туман ҳокимликлари мутасаддилари, секторлар, идора ва ташкилотлар раҳбарлари, Халқ қабулхонаси вакиллари иштирок этган очиқ мулоқотда қишлоқ одамларининг муаммолари ўрганилди.

Сайёр қабулда ҳудуддаги маҳаллаларнинг аҳолиси асосан коммунал соҳа, йўл қурилиши, тиббий хизмат, таълим тизимига боғлиқ масалалар билан мурожаат этди.

 

photo5330422094057548868.jpg

 

– Қишлоғимиз йўллари ёғингарчилик ва селлар оқибатида носоз ҳолга келиб қолган, – дейди 34-умумтаълим мактаби ўқитувчиси А. Отамуродов.–Таьлим муассасамизда компьютер техникаси, спорт анжомлари, мусиқа асбоблари етишмайди. Бу ўқувчиларимизнинг мазкур таьлим йўналишларини янада чуқур ўзлаштиришига ўз таъсирини ўтказаётир.

 

Очиқ мулоқотда ана шу муаммомизни ўртага ташлаган эдик, вилоят ҳокими уни қисқа вақтда ҳал этиб беришни ваъда қилди. Мутасаддиларга масалани ечиш бўйича топшириқ бериб, ижросини назоратга олди. Кўп йиллик муаммомиз ечим топганидан жуда хурсанд бўлдик.

 

Жорий йилнинг ўтган даврида вилоят ҳокими воҳанинг Узун, Сариосиё, Денов, Шўрчи, Бойсун каби туманлардаги марказдан узоқда жойлашган чекка ва тоғли қишлоқларда очиқ мулоқотлар ташкил этди. Аҳолини ўйлантираётган муҳим масалалар ечимига алоҳида эътибор қаратиб, юзага келган муаммоларни ўрганди. Бундай тадбирлар одамларнинг мамлакатимизда амалга оширилаётган ислоҳотларга ишонч ҳиссини янада мустаҳкамлаб, чекка, олис ҳудудлардаги аҳолининг бугунги ҳаётдан рози бўлиб яшашига хизмат қилаётир.

 

Шеробод туманидаги тоғли маҳаллада ташкил этилган сайёр қабул ҳам ана шундай эзгу мақсадларга йўналтирилгани билан аҳамиятли бўлди. Шу куни мурожаатчилар ўртага ташлаган кўплаб масалалар жойида ҳал этилди. Маьлум муддат талаб этиладиган мурожаатлар бўйича мутасаддиларга тегишли топшириқлар берилиб, уларнинг бажарилиши қатьий назоратга олинди.

 

Холмўмин МАМАТРАЙИМОВ, ЎзА

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти

Фойдали ресурслар