Истиқлолимизнинг 33 йиллиги байрами нишонланаётган шу кунларда Фарғона вилояти Ўзбекистон туманида “Аёллар дафтари" ва "Ёшлар дафтари"даги 83 нафар хотин-қизнинг бандлиги таъминланди.

Уларга маҳалладаги ҳоким ёрдамчиларининг тавсияси асосида бепул замонавий тикув машиналари топширилди.

Шу муносабат билан ташкил этилган тадбирда туман секторлар раҳбарлари, тегишли мутасаддилар, ҳоким ёрдамчилари ва эҳтиёжманд хотин-қизлар иштирок этди.

Учрашувда сўз олган туман ҳокими Шерзод Йўлдошев барчани мустақиллик байрами билан қизғин қутлаб, инсон қадри улуғланган юртимизда хотин-қизларни ҳар томонлама қўллаб-қувватлаш, уларга ғамхўрлик кўрсатиш давлатимиз сиёсатининг устувор йўналишларидан эканлигини қайд этди.  

Ўз ўрнида тадбир иштирокчилари давлатимиз раҳбарининг ташаббуси асосидаги бундай эътиборнинг айни байрам кунлари рўёбидан икки карра мамнунлигини билдирди.