Наманган вилояти ҳокими Шавкат Абдураззоқов Наманган туманидаги “Миришкор” маҳалла фуқаролар йиғини ҳудудида жойлашган фермер хўжалиги дала шийпонида ёшлар билан учрашув ўтказди.

Учрашувда 100 нафарга яқин йигит-қиз ўз мурожаат ва таклифлари билан иштирок этди.

Мулоқот давомида ёшларни ҳаётда ўз йўлини топиши учун барча шароитлар яратиб бериш энг асосий мақсад экани алоҳида таъкидланди.  

Йигит-қизларнинг таклиф ва ташаббуслари қўллаб-қувватланиб, кўтарилган муаммоли масалаларни ҳал этиш бўйича мутасадди ташкилотлар раҳбарларига топшириқлар берилди.