“Иссиқлик электр станциялари” АЖ томонидан маҳаллаларда ободонлаштириш ишларига катта эътибор қаратилмоқда.
Хусусан, “Обод кўча” ва “Обод хонадон” мезонларини кенг тарғиб этиш, аҳолини ижтимоий қўллаб-қувватлаш, бандлигини таъминлаш бўйича пойтахтимизнинг Яшнобод туманидаги Асалобод маҳалласида бажарилаётган амалий ишлар бунга яққол мисолдир.
Айни пайтда маҳалла ҳудудида асфальт ётқизиш ишлари якунига етказилган бўлса, 4 та болалар майдончаси ҳам қуриб битказилди. Бундан ташқари, ёшларни оммавий спорт ва жисмоний тарбияга жалб этиш борасида футбол, баскетбол ва волейболга ихтисослашган спорт майдони қуриб, фойдаланишга топширилди.
– Президентимиз томонидан олдимизга қўйилган муҳим вазифалардан бири бу ёшлар орасида соғлом турмуш тарзини тарғиб этиш, уларни маънан етуклиги билан бир қаторда, жисмоний баркамоллигини ҳам таъминлаш, — деди маҳалла раиси Ф.Ҳодиев.
– Бугун фойдаланишга топширилган бу каби спорт майдончалари айни шу эзгу мақсадларга хизмат қилиши аниқ. Ўтган давр давомида маҳалла ҳудудида бунёдкорлик ишлари олиб борилди. Хусусан, маҳалла ҳудуди ободонлаштирилиб, мевали ва манзарали кўчатлар ўтқазилди. Кам таъминланган, боқувчисини йўқотган, ногирон, ижтимоий ҳимояга муҳтож, “Темир дафтар”га киритилган оилалар, шунингдек, “Аёллар дафтари”да рўйхатда турувчи эҳтиёжманд хотин-қизларнинг йигирма нафарига озиқ-овқат маҳсулотлари ҳамда маиший техника воситалари берилди.
Ҳозир маҳаллада ижтимоий ҳимояга муҳтож, боқувчисини йўқотган оилалар хонадонларини таъмирлаш, аҳоли бандлигини таъминлаш борасида ишчи гуруҳ ўз фаолиятини давом эттирмоқда.
Амалга оширилган ишларга айни пайтгача 460 миллион сўмдан ортиқ маблағ сарфланди. Бу ерда навбатдаги ишлар яна босқичма-босқич бажарилиши режалаштирилган.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |