2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Жиззахда суд-ҳуқуқ масалалари бўйича сайёр қабуллар ўтказилмоқда

Жиззах вилоятида Ўзбекистон Республикаси Президенти маслаҳатчисининг биринчи ўринбосари Б.Исломов раҳбарлигидаги республика ишчи гуруҳи суд-ҳуқуқ масалалари бўйича сайёр қабуллар ўтказмоқда.

Минтақавий тартибда ташкил этилган сайёр қабуллар Мирзачўл туманидан бошланди. Бу ерда Ўзбекистон Республикаси Олий суди раисининг ўринбосари И.Муслимов Мирзачўл, Дўстлик ва Арнасой туманларидан 60 нафар фуқаро қабул қилинди.

Сайёр қабулда жиноят ишлари бўйича 44 та, фуқаролик ишларига оид 11 та, маъмурий ишлар бўйича 2 та, иқтисодий ишларга доир 3 та мурожаат бўлди. Шундан 57 та фуқаронинг оғзаки мурожаати, 3 та фуқаронинг ёзма мурожаати қабул қилинди.

Жами мурожаатларнинг 36 таси бўйича ҳуқуқий тушунтиришлар берилган бўлса, 21 та мурожаат жойида ижобий ҳал этилди. 3 та мурожаат бўйича ариза Олий суд томонидан кассация тартибида ҳал қилиш учун қабул қилиниб, тегишли судлов ҳайъатига кўриб чиқиш учун ўтказилди.

Қабул давомида сайёр суд мажлислари ўтказилиб, 8 нафар шахс жазони ўташдан муддатидан олдин озод қилинди. 10 нафар шахсга нисбатан қўзғатилган маъмурий жавобгарлик тўғрисидаги иш суд мажлисида кўрилиб, аризалар қаноатлантирилди.

Шунингдек, тарафлар ярашганлиги сабабли 2 та алимент ундириш ҳақидаги суд буйруқлари бекор қилинди.

Фуқаролик ишлари бўйича Дўстлик туманлараро суди томонидан тарафлар ярашганлиги ва даъвогар даъвосидан воз кечганлиги сабабли меросдан улушини ундириш ҳақидаги фуқаролик иши юритишдан тугатилди.

Қабулда муаммолари ҳал бўлган 15 нафар фуқаро Ўзбекистон Республикаси Президенти номига ёзма ташаккурнома билдирди.

Шу таркибдаги ишчи гуруҳ томонидан сайёр қабуллар Пахтакор ва Зафаробод туманлари аҳолиси учун Пахтакор шаҳарчасида, Бахмал ва Ғаллаорол туманлари аҳолиси учун Ўсмат шаҳарчасида, Жиззах шаҳри, Фориш ва Шароф Рашидов туманлари аҳолиси учун Жиззах шаҳрида ташкил қилинди.

Ўзбекистон Республикаси Президенти Администрацияси топшириғига асосан суд-ҳуқуқ масалалари бўйича ўтказилаётган сайёр қабуллар давом этаётир.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти

Фойдали ресурслар